ଏକ ଝିଅ ଶୋଇବା ବେଳେ ନିଜର ଘୁଙ୍ଗୁଡ଼ି ଶବ୍ଦ ଶୁଣିବା ପାଇଁ ସର୍ବଦା ସାଉଣ୍ଡ ରେକର୍ଡିଂ ମେସିନ୍ ଅନ୍ କରି ଶୁଏ । କିନ୍ତୁ ଯେତେବେଳେ ସେ ରେକର୍ଡିଂ ଶୁଣେ, ସେଥିରୁ ଏକ ଅଜବ ସାଉଣ୍ଡ ଶୁଣାଯାଏ । ଏଥିପାଇଁ ଝିଅଟି ଭାବେ ଯେ ରୁମରେ ଏକ ଭୂତ ଅଛି । ସତ୍ୟ ଜାଣିବା ପାଇଁ ସେ ରୁମରେ ଏକ କ୍ୟାମେରା ଲଗାଇଲେ । ପରେ ସେ ଏଥିରେ ରେକର୍ଡ ହୋଇଥିବା ଭିଡିଓ ଦେଖି ଆଶ୍ଚର୍ଯ୍ୟ ହୋଇଗଲେ ।
ଝିଅଟି ଏହି ଘଟଣାର ଅନେକ ଭିଡିଓ ସୋସିଆଲ ମିଡିଆରେ ସେୟାର କରିଛି । ପ୍ରଥମେ ସେ ଭାବୁଥିଲେ ଯେ ତାଙ୍କ କୋଠରୀରେ ଏକ ଭୂତ ଅଛି । ଏଥିପାଇଁ ସେ ରୁମରେ ଏକ ମୋସନ ଡିଟେକ୍ଟିଂ କ୍ୟାମେରା ଲଗାଇଲେ ।
ଝିଅଟି ଏକ ଟିକଟକ୍ ଭିଡିଓରେ ଏହି ବିଷୟରେ ଡିଟେଲରେ କହିଛି । ରେକର୍ଡ଼ ହୋଇଥିବା ଭିଡିଓରେ ସେ ଶୋଇଥିବାର ନଜର ଆସିଛନ୍ତି । ଏହି ସମୟରେ ହଠାତ୍ ଜଣେ ମହିଳା ତାଙ୍କ ପାଖରେ ଆସି ଛିଡା ହୋଇଥିଲେ ଏବଂ କିଛି ଭୟାନକ କଥା କହୁଛନ୍ତି ।
ଟିକଟକ ଭିଡିଓରେ ସେ କହିଛନ୍ତି-“ମୁଁ ଏକ ଆପ୍ ଡାଉନଲୋଡ୍ କରିଥିଲି ଯାହା ଦ୍ଵାରା ମୁଁ ଜାଣିପାରିବି ଯେ ଶୋଇବା ସମୟରେ ମୁଁ ଘୁଙ୍ଗୁଡ଼ି ମାରୁଛି କି ନାହିଁ ଏବଂ ଏହାକୁ ଶୁଣିପାରିବି । କିନ୍ତୁ ମୁଁ ଏହି ମେସିନରୁ ଭୟାନକ ଶବ୍ଦ ଶୁଣିଵାକୁ ପାଉଥିଲି । ଯେଉଁଥିରେ କୁହାଯାଇଥିଲା ଯେ ସେ ମୋର ମୃତ୍ୟୁ ଚାହୁଁଛନ୍ତି । ମୁଁ ଭାବିଲି ମୋ ରୁମରେ ଏକ ଭୂତ ଅଛି । କିନ୍ତୁ ପଛରେ ଜାଣିବାକୁ ପାଇଲି ସେ ମୋ ପ୍ରେମିକଙ୍କ ମା । ସେ ମୋ ପାଖକୁ ଆସି ଏହି ଭୟାନକ କଥା କହୁଥିଲେ ।
ଝିଅଟିର ଏହି ଭିଡିଓ ଟିକଟକରେ ଭାଇରାଲ ହେଉଛି । ଭିଡ଼ିଓକୁ ବର୍ତ୍ତମାନ ପର୍ଯ୍ୟନ୍ତ 10 ଲକ୍ଷରୁ ଅଧିକ ଲାଇକ୍ ଏବଂ ହଜାର ହଜାର କମେଣ୍ଟ ମିଳିଛି । ଏହା ପରେ ଝିଅଟି ଅନ୍ୟ ଏକ ଭିଡିଓ କରି ଏହି ବିଷୟରେ ଡିଟେଲରେ କହିଛି ।
ଦ୍ୱିତୀୟ ଭିଡିଓରେ ଝିଅଟି କହିଛି -” ମୁଁ ଦିନେ ଟିକଟକ ସ୍କ୍ରୋଲ୍ କରୁଥିଲି । ଏହି ସମୟରେ ମୁଁ ଏକ ବିଜ୍ଞାପନ ଦେଖିଲି । ଏଥିରେ ଲେଖାଥିଲା – ରାତିରେ ଶୋଇବା ସମୟରେ ଆପଣ ଆପଣଙ୍କ ଗତିବିଧିକୁ ରେକର୍ଡ କରନ୍ତୁ ଏବଂ ଆପଣଙ୍କ ଘୁଙ୍ଗୁଡ଼ି ଶବ୍ଦ ମଧ୍ୟ ଶୁଣନ୍ତୁ ।”
ଝିଅଟି କହିଛି- “ତେଣୁ ମୁଁ ଏହି ପ୍ରଡକ୍ଟ ବ୍ୟବହାର କରିବାକୁ ଚାହୁଁଥିଲି । କିନ୍ତୁ ଏଥିରେ ମୁଁ ମୋର ଘୁଙ୍ଗୁଡ଼ି ଶବ୍ଦ ଶୁଣିବାକୁ ପାଇଲି ନାହିଁ । ଏହା ପରିବର୍ତ୍ତେ, ମୁଁ କିଛି ଭୟାନକ ଶବ୍ଦ ଶୁଣିବାକୁ ପାଇଲି । ଯେପରି ମୋ କାନରେ କେହି ଗୁଣୁଗୁଣୁ ହୋଇ କହୁଛନ୍ତି । ତିନି ଦିନ ଧରି ଏହା ଲଗାତାର ଘଟିଲା । ଯେଉଁଥିପାଇଁ ମୁଁ ଭାବିଲି ଯେ ଘରେ ଏକ ଭୂତ ଅଛି । କାରଣ ମୋ ଶାଶୁ ମୋ ସହିତ ସବୁବେଳେ ଭଲ ଭାବରେ କଥା ହେଉଥିଲେ ଏବଂ ଆଜି ବି ସେପରି ଅଛନ୍ତି ।”
ଝିଅଟି କହିଲା – “କିନ୍ତୁ ହଠାତ୍ ଏକ ରାତିରେ ମୁଁ ମୋ ଶାଶୁଙ୍କୁ ମୋ ରୁମକୁ ଆସୁଥିବାର ଦେଖିଲି । ମୁଁ ଭାବିଲି ସେ ନିଶ୍ଚୟ କିଛି ଖୋଜୁଛନ୍ତି । କିନ୍ତୁ ବାସ୍ତବରେ ମୋ ଭାବନା ଭୁଲ ଥିଲା ।”
