ବେଳେବେଳେ ଅନେକ ରୋଚକ ଖବର ସାମ୍ନାକୁ ଆସିଥାଏ, ଯାହା ବିଷୟରେ ଯେତେ ଶୁଣିବା କିମ୍ବା ଜାଣିବା ପରେ ମଧ୍ୟ ଆହୁରି ଜାଣିବାପାଇଁ ଇଚ୍ଛା ହୋଇଥାଏ । ବର୍ତ୍ତମାନ ସମୟରେ ଆମେ ସୋସିଆଲ ମିଡ଼ିଆ ମାଧ୍ୟମରେ ଅନେକ ଖବର ବିଷୟରେ ଜାଣି ପାରୁଛେ । କେବଳ ଦେଶ ନୁହେଁ ସାରା ବିଶ୍ୱର ସମସ୍ତ ଆକର୍ଷଣୀୟ ଖବର ବିଷୟରେ ଆମେ ଏହି ସୋସିଆଲ ମିଡ଼ିଆ ମାଧ୍ୟମରେ ଜାଣିପାରୁଛୁ । ତେବେ ବର୍ତ୍ତମାନ ସମୟରେ ଏଭଳି ଏକ ପାଇଲଟଙ୍କ କାହାଣୀ ଭାଇରାଲ ହୋଇଛି , ଯାହାଙ୍କ ବିଷୟରେ ଆପଣ ଶୁଣିବା ପରେ ଆପଣ ତାଙ୍କୁ ସାଲ୍ୟୁଟ ମାରିବେ । ତେବେ ଆଜିର ଏହି କାହାଣୀର ନାୟକ ହେଉଛନ୍ତି ମେଜର ଷ୍ଟିପାନ ତାରାବଲକା । ୟୁକ୍ରେନର ଏହି ଯୁଦ୍ଧ ହିରୋଙ୍କର ଖବର ବର୍ତ୍ତମାନ ସମୟରେ ଭାଇରାଲ ହେବାରେ ଲାଗିଛି ।
ତେବେ ଏହାରି ମଧ୍ୟରେ ଦୁଃଖଦ ଖବର ହେଉଛି ଯେ , ଆଉ ନାହାଁନ୍ତି ଏହି ବୀର । ଚିର ନିଦ୍ରାରେ ଶୋଇ ପଡିଛନ୍ତି ଏହି ଯୋଦ୍ଧା ଜଣକ । ବର୍ତ୍ତମାନ ସମୟରେ ବହୁତ ଚର୍ଚ୍ଚାରେ ଅଛନ୍ତି ଏହି ରହସ୍ୟମୟ ପାଇଲଟ । ତେବେ ଏହି ପାଇଲଟଙ୍କର କୃତିତ୍ବ ବିଷୟରେ କହିବାକୁ ଗଲେ ସେ ଏକୁଟିଆ ଋଷର ପ୍ରାୟତଃ ୪୦ଟି ବିମାନକୁ ଖସାଇ ଦେଇଥିଲେ । ଆଉ ବର୍ତ୍ତମାନ ସମୟରେ ସେ ନିଜେ ଆଖି ବୁଜି ଦେଇଛନ୍ତି । ତାଙ୍କୁ ସମସ୍ତେ ଘୋଷ୍ଟ ଅଫ କିଭ ଭାବରେ ସମସ୍ତେ ଜାଣିଥିବେ ।
ତେବେ ଏହି ବ୍ୟକ୍ତିଙ୍କ ବିଷୟରେ କହିବାକୁ ଗଲେ , ସେ ୟୁକ୍ରେନ ବାୟୁସେନାର ପାଇଲଟ ଭାବରେ କାର୍ଯ୍ୟରତ ଥିଲେ । ଆଉ ୟୁକ୍ରେନ ଏବଂ ଋଷ ମଧ୍ୟରେ ଚାଲିଥିବା ଯୁଦ୍ଧରେ ତାରାବଲକାଙ୍କର ବିଶେଷ ଭୂମିକା ରହିଛି । କାରଣ ସେ ଏକାକୀ ଋଷର ଗୋଟିଏ ନୁହେଁ କି ଦୁଇଟି ନୁହେଁ ବରଂ ୪୦ଟି ଲଢୁଆ ବିମାନକୁ ଖସାଇ ଦେଇଥିଲେ । ଆଉ ୟୁକ୍ରେନକୁ ରକ୍ଷା କରିଥିଲେ । ତେବେ ଦୁଃଖର ବିଷୟ ଏହା ଯେ , ଏହି ସାହସୀ ବୀର ଗତ ମାସରେ ଆଖି ବୁଜି ଦେଇଛନ୍ତି । ତେବେ ଦି ଟାଇମ୍ସର ରିପୋର୍ଟ ଅନୁଯାୟୀ , ମିଗ-୨୯ ନାମକ ବିମାନ ଚଳାଇ ମାର୍ଚ୍ଚ ୧୩ ତାରିଖରେ ସେ ଯୁଦ୍ଧ କରୁଥିଲେ ।
କିନ୍ତୁ ଏହି ସମୟ ମଧ୍ୟରେ ସବୁକିଛି ଶେଷ ହୋଇ ଯାଇଥିଲା କାରଣ ଋଷ ତାଙ୍କ ଦ୍ୱାରା ପରିଚାଳିତ କରା ଯାଉଥିବା ବିମାନକୁ ଗୁଳି କରି ଉଡାଇ ଦେଇଥିଲା ଆଉ ଏହି ସମୟରେ ଚିର ନିଦ୍ରାରେ ଶୋଇ ପଡ଼ିଥିଲେ ତାରାବଲକା । ଆଉ ଏ ବିଷୟରେ ୟୁକ୍ରେନ ସରକାର ଟ୍ୱିଟ କରି ଜଣାଇଥିଲେ । ତେବେ ତାରାବଲକାଙ୍କ ଜୀବନୀ ବିଷୟରେ କହିବାକୁ ଗଲେ ସେ ପଶ୍ଚିମ ୟୁକ୍ରେନର କାରଲିପକା ନାମକ ଏକ ଛୋଟ ଗ୍ରାମରେ ଜନ୍ମଗ୍ରହଣ କରିଥିଲେ ଆଉ ପିଲାଟି ବେଳରୁ ଜଣେ ପାଇଲଟ ହେବା ପାଇଁ ଇଚ୍ଛା ରଖିଥିଲେ । ତେବେ ୟୁକ୍ରେନ ଏବଂ ଋଷ ମଧ୍ୟରେ ଚାଲିଥିବା ଯୁଦ୍ଧରେ ତାରାବଲକାଙ୍କର ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଅଟେ ।
