ଇମ୍ରାନ ଖାନ ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେବା ପରେ ଶାହବାଜ ସରିଫ ପାକିସ୍ତାନର ନୂତନ ପ୍ରଧାନମନ୍ତ୍ରୀ ହୋଇଛନ୍ତି । ଏହା ସହିତ ଶାହବାଜ ସରିଫଙ୍କ ବ୍ୟକ୍ତିଗତ ଜୀବନ ବିଷୟରେ ଜାଣିବାକୁ ଲୋକଙ୍କ ଆଗ୍ରହ ପ୍ରକାଶ ହେଉଛି । ଆଜିକାଲି ପାକିସ୍ତାନର ସମସ୍ତ ଗଣମାଧ୍ୟମ ରିପୋର୍ଟରେ ଶାହବାଜ ସରିଫଙ୍କ ବିବାହ ଏବଂ ପତ୍ନୀଙ୍କ ବିଷୟରେ ଆଲୋଚନା କରାଯାଉଛି । ବିବାହ ପ୍ରସଙ୍ଗରେ ପାକିସ୍ତାନର ନୂତନ ପ୍ରଧାନମନ୍ତ୍ରୀ ଶାହବାଜ ସରିଫ ପୂର୍ବ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କଠାରୁ ଦୁଇ ପାଦ ଆଗରେ ଅଛନ୍ତି ।
ଏହା ଆମେ ଭଲ ଭାବରେ ଜଣିଛେ ଯେ ଶାହବାଜ ସରିଫ ଏକ ରାଜନୈତିକ ପରିବାରରୁ ଆସିଛନ୍ତି । ଶାହବାଜ ସରିଫଙ୍କ ପୂର୍ବରୁ ତାଙ୍କ ବଡ଼ ଭାଇ ନୱାଜ ସରିଫ ମଧ୍ୟ ପାକିସ୍ତାନର ପ୍ରଧାନମନ୍ତ୍ରୀ ହୋଇ ସାରିଛନ୍ତି । ଶାହବାଜ ସରିଫ କେବଳ ରାଜନୀତି ପାଇଁ ନୁହେଁ ବରଂ ଶେର-ଓ-ଶାୟାରି ପାଇଁ ମଧ୍ୟ ଜଣାଶୁଣା ।
କେବଳ ଏତିକି ନୁହେଁ, ଶାହବାଜ ସରିଫ କେତେ ହୃଦୟ ବିଦାରକ ବ୍ୟକ୍ତି, ଆପଣ ସମସ୍ତେ ଅନୁମାନ କରିପାରିବେ ଯିଏକି 5 ଟି ବିବାହ କରିଛନ୍ତି । ବିବାହ ପ୍ରସଙ୍ଗରେ ସେ ଇମ୍ରାନ ଖାନଙ୍କଠାରୁ ମଧ୍ୟ ଦୁଇ ପାଦ ଆଗରେ ଅଛନ୍ତି । ତେବେ ଆସନ୍ତୁ ପାକିସ୍ତାନର ନୂତନ ପ୍ରଧାନମନ୍ତ୍ରୀ ଶାହାବାଜ ସରିଫଙ୍କ ବ୍ୟକ୍ତିଗତ ଜୀବନ କିପରି ? ଏହା ବିଷୟରେ ଜାଣିବା ।
ଆମ ଭାରତର ରାଜନୀତିରେ ଏକ ପ୍ରସିଦ୍ଧ କଥା ଅଛି “ଯିଏ ଉତ୍ତରପ୍ରଦେଶ ଜିତିଜିବ ସେ ଦିଲ୍ଲୀ ବି ଜିତିଜିବ” । ଠିକ୍ ଏହିପରି ଆମ ପଡୋଶୀ ଦେଶ ପାକିସ୍ତାନରେ ମଧ୍ୟ ଏକ ସମାନ କଥା ଅଛି,” ଯିଏ ପଞ୍ଜାବ ଜିତିଜିବ ସେ ମଧ୍ୟ ଇସଲାମାବାଦ ଜିତିଜିବ”। ଶାହବାଜ ସରିଫଙ୍କ ବଡ ଭାଇ ନୱାଜ ସରିଫଙ୍କ ପାର୍ଟି ପାକିସ୍ତାନ ମୁସଲିମ ଲିଗ ନୱାଜ ଗତ 30 ବର୍ଷ ମଧ୍ୟରେ ପଞ୍ଜାବକୁ ସର୍ବାଧିକ ଥର ଜିତିଛି ବୋଧହୁଏ ଏହି କାରଣରୁ ନୱାଜଙ୍କ ଦଳ ଚତୁର୍ଥ ଥର ପାଇଁ ଇସଲାମାବାଦରେ ସରକାର ଗଠନ କରିବାକୁ ଯାଉଛି । ଯାହାର ପ୍ରଧାନମନ୍ତ୍ରୀ ନୱାଜ ସରିଫଙ୍କ ସାନଭାଇ ଶାହବାଜ ସରିଫ ରହିବେ । ଯିଏ ପୂର୍ବରୁ ପଞ୍ଜାବର ମୁଖ୍ୟମନ୍ତ୍ରୀ ମଧ୍ୟ ରହିସାରିଛନ୍ତି ।
ଆପଣଙ୍କୁ ଜଣାଇଦେଉଛୁ ଯେ ବଡ ଭାଇ ନୱାଜ ସରିଫଙ୍କ ପରି ଶାହବାଜ ସରିଫ ମଧ୍ୟ ଦେଶର ସମସ୍ତ ବଡ ନେତାଙ୍କ ମଧ୍ୟରେ ଗଣାଯାଆନ୍ତି । ଶାହବାଜ୍ ସରିଫ ପାକିସ୍ତାନରେ ତାଙ୍କ ଭାଇଙ୍କ ପରି ମଧ୍ୟ ପ୍ରସିଦ୍ଧ । ସେ ତାଙ୍କ ପ୍ରତ୍ୟେକ ଭାଷଣରେ ନିଶ୍ଚିନ୍ତ ତାଙ୍କ ବଡ଼ ଭାଇଙ୍କ ବିଷୟରେ ଉଲ୍ଲେଖ କରନ୍ତି ।
ସେ 2008 ରୁ 2018 ପର୍ଯ୍ୟନ୍ତ ପାକିସ୍ତାନର ପଞ୍ଜାବ ପ୍ରଦେଶରେ ତାଙ୍କ ସରକାର ଚଳାଉଥିଲେ ଏବଂ ଏହି ସମୟ ସେ ଲୋକଙ୍କ ମଙ୍ଗଳ ପାଇଁ କିଛି ଭଲ କାମ କରିବା ସହିତ ଚୀନ୍ ସହ ମଧ୍ୟ ବହୁତ ଭଲ ସମ୍ପର୍କ ସ୍ଥାପନ କରିଛନ୍ତି । ବୋଧହୁଏ ଏହି କାରଣରୁ ପ୍ରଧାମନ୍ତ୍ରୀ ନିର୍ବାଚନ ହେବାପରେ ଚୀନ୍ର ଗଣମାଧ୍ୟମ ଶାହବାଜ ସରିଫଙ୍କୁ ଇମ୍ରାନ ଖାନଙ୍କ ଅପେକ୍ଷା ଜଣେ ଭଲ ନେତା ବୋଲି ବର୍ଣ୍ଣନା କରୁଛି ଏବଂ ତାଙ୍କୁ ବହୁତ ପ୍ରଶଂସା କରୁଛି ।
ଆପଣଙ୍କୁ ଜନେଇଦେଇଛୁ ଯେ ଶାହାବାଜ ସରିଫଙ୍କ ସରକାର ଗଠନକୁ ନେଇ ଚୀନ୍ ବହୁତ ଖୁସି ଅଛି କାରଣ ଇମ୍ରାନ ଖାନ ପ୍ରଧାନମନ୍ତ୍ରୀ ହେବା ପୂର୍ବରୁ ଚୀନ୍-ପାକିସ୍ଥାନ ମଧ୍ୟର ଆର୍ଥିକ କରିଡର (ସିପିଇସି) କୁ ଖୋଲାଖୋଲି ଭାବରେ ସମାଲୋଚନା କରିଥିଲେ ଏବଂ ପ୍ରଧାନମନ୍ତ୍ରୀ ହେବା ପରେ ସେ ସିପିଇସି ର କାର୍ଯ୍ୟ ପ୍ରାୟ ବନ୍ଦ କରିଦେଇଥିଲେ । ଏହାକୁ ନେଇ ଚୀନ୍ ବହୁତ ଅସନ୍ତୋଷ ଅଛି ।
ଏଥି ସହିତ, ପୂର୍ବ ନୱାଜ ସରିଫ ସରକାରଙ୍କ ଅଧୀନରେ 60 ବିଲିୟନ ଡଲାରର ଚୀନ୍-ପାକିସ୍ଥାନ ଆର୍ଥିକ କରିଡର (ସିପିଇସି) ଭଲ ଭାବରେ ଅଗ୍ରଗତି କରିଥିଲା ଏବଂ ସେହି ସମୟରେ ପାକିସ୍ଥାନର ପଞ୍ଜାବ ପ୍ରଦେଶର ମୁଖ୍ୟମନ୍ତ୍ରୀ ଶାହାବାଜ ସରିଫ ରହିଥିଲେ ଓ ସେ ପଞ୍ଜାବରେ ସିପିଇସି ପ୍ରକଳ୍ପ ପାଇଁ ମଧ୍ୟ ଅନେକ କାର୍ଯ୍ୟ କରିଥିଲେ , ସେଥିପାଇ ସେ ଚୀନ୍ ସରକାରଙ୍କ ସହ ବହୁତ ଭଲ ସମ୍ପର୍କ ସ୍ଥାପନ କରିଛନ୍ତି ।
ଜଣାଇଦେଉଛୁ ଯେ ଶାହାବାଜ ସରିଫ ନିଜ ଇଚ୍ଛାର ମାଲିକ ଅଟନ୍ତି । ରାଜନୀତି ହେଉ କିମ୍ବା ବ୍ୟକ୍ତିଗତ ଜୀବନ, ସେ ନିଜ ଜୀବନ ସହ ଜଡିତ ସମସ୍ତ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଜେ ନିଅନ୍ତି ବୋଲି ଜଣାଶୁଣା । ତାଙ୍କ ପିତା ତାଙ୍କ ବିବାହ ପାଇଁ ଅନୁମତି ଦେଇ ନ ଥିବାରୁ ଶେହବାଜ ସରିଫ ନିଜ ଇଚ୍ଛାରେ ପ୍ରଥମ ବିବାହ କରିଛନ୍ତି । କିନ୍ତୁ ତଥାପି ସେ ମାତ୍ର 23 ବର୍ଷ ବୟସରେ ବିବାହ କରିଛନ୍ତି ।
ପ୍ରଥମ ବିବାହରୁ ଶାହବାଜ ସରିଫ 5 ଟି ସନ୍ତାନର ପିତା ହୋଇଛନ୍ତି । ତାଙ୍କର ପ୍ରଥମ ବିବାହରୁ ହାମଜା ସରିଫ ନାମରେ ଏକ ପୁଅ ଅଛି, ଯିଏ ବର୍ତ୍ତମାନ ପଞ୍ଜାବ ପ୍ରଦେଶରେ ତାଙ୍କ ପରିବାରର ରାଜନୈତିକ ଉତ୍ତରାଧିକାରୀ ଭାବେ ବହନ କରୁଛନ୍ତି । ଅନ୍ୟପକ୍ଷରେ ଶାହବାଜ ସରିଫଙ୍କ ଦ୍ୱିତୀୟ ପୁଅ ସୁଲମାନ ସରିଫ ଜଣେ ବ୍ୟବସାୟୀ ।
ସେହି ଶାହବାଜ ସରିଫ 1993 ମସିହାରେ 43 ବର୍ଷ ବୟସରେ ଦ୍ୱିତୀୟ ଥର ବିବାହ କରିଛନ୍ତି, ଯେଉଁଥିରୁ ତାଙ୍କର ଏକ ଝିଅ ଜନ୍ମ ହୋଇଛି । କିନ୍ତୁ କିଛି ସମୟ ପରେ ସେ ତାଙ୍କ ଦ୍ୱିତୀୟ ପତ୍ନୀଙ୍କୁ ଛାଡପତ୍ର ଦେଲେ ଏବଂ ସେହି ବର୍ଷ 1993 ରେ ସେ ତୃତୀୟ ଥର ପାଇଁ ନିଲୋଫର ଖୋସାଙ୍କୁ ବିବାହ କରିଛନ୍ତି ।
ଶାହବାଜ ସରିଫ ତୃତୀୟ ଥର ବିବାହ କରିବା ପରେ କିଛି ବର୍ଷ ପାଇଁ ରହିଗଲେ ଏବଂ ପରେ 2003 ମସିହାରେ ସେ ସମାଜବାଦୀ ଚିନ୍ତାଧାରାର ମହିଳା ତେହମିନା ଦୁରାନୀଙ୍କୁ ଚତୁର୍ଥ ଥର ବିବାହ କରିଛନ୍ତି, କିନ୍ତୁ ଏହା ବିଷୟରେ କେହି ଜାଣି ପାରିନଥିଲେ । ଶେହବାଜ ସରିଫ ଚତୁର୍ଥ ବିବାହକୁ ଅତି ଗୁପ୍ତରେ କରିଛନ୍ତି । ସେହି ସମୟ ମଧ୍ୟରେ, ଲୋକମାନେ ତାଙ୍କର ଚତୁର୍ଥ ବିବାହ ବିଷୟରେ ଦୀର୍ଘ ସମୟ ପର୍ଯ୍ୟନ୍ତ କୌଣସି ଖବର ପାଇପାରିଲେ ନାହିଁ ।
ଚତୁର୍ଥ ଥର ବିବାହ କରିସାରିବା ପରେ ମଧ୍ୟ ସେ ଅଟକି ରହିନାହାନ୍ତି , ଏହା ପରେ ସେ 2012 ମସିହାରେ ପଞ୍ଚମ ଥର ପାଇଁ ବିବାହ କରିଛନ୍ତି ଏବଂ ଏଥର ଶାହାବାଜ ସରିଫ ପଞ୍ଚମ ଥର ପାଇଁ କଲସମ ହାୟା ନାମକ ଏକ ଝିିଅକୁ ବିବାହ କରିଛନ୍ତି ଏବଂ ସେ ଏହି ବିବାହକୁ ଗୁପ୍ତ ରଖିଛନ୍ତି । ସୂଚନା ଅନୁଯାୟୀ, ଶାହବାଜ ସରିଫ ବର୍ତ୍ତମାନ ଦୁଇ ପତ୍ନୀଙ୍କ ସହ ରହୁଛନ୍ତି । ଯେତେବେଳେ ସେ ତିନି ପତ୍ନୀଙ୍କୁ ଛାଡପତ୍ର ଦେଇସାରିଛନ୍ତି ।
ଆପଣଙ୍କୁ ଜଣେଇଦେଉଛୁ ଯେ ଇମ୍ରାନ ଖାନ ତିନୋଟି ବିବାହ କରିଥିଲେ କିନ୍ତୁ ଶାହବାଜ ସରିଫ 5 ଟି ବିବାହ କରିଛନ୍ତି । ବିବାହ ପ୍ରସଙ୍ଗରେ ଶାହବାଜ ସରିଫ ଇମ୍ରାନ ଖାନଙ୍କଠାରୁ ଦୁଇ ପାଦ ଆଗରେ ଅଛନ୍ତି । ବର୍ତମାନ ଶାହବାଜ ସରିଫ ତାଙ୍କର ଦୁଇ ପତ୍ନୀ ନୁସରତ ଏବଂ ତେହମିନା ଦୁରାନୀଙ୍କ ସହିତ ରହୁଛନ୍ତି । ଅନ୍ୟପକ୍ଷରେ ଶାହବାଜ ସରିଫ ତାଙ୍କର ତିନି ପତ୍ନୀ ଆଲିଆ ହନି, ନିଲୋଫର ଖୋସା ଏବଂ କଲସମ ହାୟାଙ୍କୁ ଛାଡପତ୍ର ଦେଇସାରିଛନ୍ତି ।
ଖବର ଅନୁଯାୟୀ, ଶାହବାଜ ସରିଫଙ୍କ ବଡ ପୁଅ ହାମଜା ସରିଫ ପଞ୍ଜାବ ପ୍ରଦେଶର ପରବର୍ତ୍ତୀ ମୁଖ୍ୟମନ୍ତ୍ରୀ ହେବାର ସମସ୍ତ ସମ୍ଭାବନା ରହିଛି ବୋଲି କୁହାଯାଉଛି । ଅନ୍ୟପକ୍ଷରେ ଦ୍ୱିତୀୟ ପୁତ୍ର ସୁଲେମାନଙ୍କ ବିଷୟରେ କୁହାଯାଇଛି ଯେ ତାଙ୍କର ଧନ ଦୌଲତ ର କୌଣସି ଅଭାବ ନାହିଁ । ସେ କୋଟି କୋଟି ସମ୍ପତ୍ତିର ମାଲିକ ଅଟନ୍ତି ।
