ସାଧରଣତଃ ଅନ୍ୟ ଦେଶ ଅପେକ୍ଷା ଆମ ଭାରତରେ ସ୍ୱାସ୍ଥ୍ୟ କ୍ଷେତ୍ରରେ ଅନେକ ଅସାବଧାନତା ଦେଖାଯାଏ ଏବଂ ଏମିତିରେ ବି ଲୋକେ ଏତେ ସମାୟାନୁବର୍ତ୍ତି ନୁହଁନ୍ତି । ତେଣୁ ଅନେକ ସମୟରେ ଏପରି ଘଟଣା ମଧ୍ୟ ଶୁଣିବାକୁ ମିଳିଥାଏ ଯେ ଠିକ ସମୟରେ ଆମ୍ବୁଲାନ୍ସ ନପହଞ୍ଚିବା କାରଣରୁ କାହାରି ମୃତ୍ୟୁ ହୋଇଛି । ଆଜିକାର ଏହି ଲେଖାରେ ମଧ୍ୟ ଆମେ ଆପଣଙ୍କୁ ଏହିପରି ଏକ ଘଟଣା ବିଷୟରେ କହିବୁ ଯେଉଁଥିରେ ଆମ୍ବୁଲାନ୍ସ ଠିକ ସମୟରେ ନଆସିବାରୁ ଜଣେ ଝିଅର ମୃତ୍ୟୁ ହୋଇଛି ଏବଂ ବାପା ଝିଅର ଶବକୁ କାନ୍ଧେଇ ୧୦ କିଲୋମିଟର ବୋହିଛନ୍ତି ।
ସୂଚନା ଅନୁଯାୟୀ ଏହି ଘଟଣା ଛତିଶଗଡ଼ ସରଗୁଜା ଜିଲ୍ଲାର ଅଟେ । ସରଗୁଜା ଜିଲ୍ଲାର ଜଣେ ବାପା ନିଜ ଝିଅର ଶବକୁ କାନ୍ଧରେ ବୋହି ନେଉଥିବାର ଦେଖା ଯାଇଛି । ଯାହାର ଭିଡ଼ିଓ ବର୍ତ୍ତମାନ ସୋସିଆଲ ମିଡିଆରେ ଭାଇରଲ ହେବାରେ ମଧ୍ୟ ଲାଗିଛି । ଏହି ଭିଡ଼ିଓ ଦେଖି ଛତିଶଗଡ଼ ସ୍ୱାସ୍ଥ୍ୟ ମନ୍ତ୍ରୀ ଟି.ଏସ ସିଂ ଦେଓ ଏହାର ତଦନ୍ତ ପାଇଁ ନିର୍ଦେଶ ଦେବା ପରେ ସମ୍ପୂର୍ଣ୍ଣ ଘଟଣା ସାମ୍ନାକୁ ଆସିଛି ।
Surguja: Chhattisgarh Health Min TS Singh Deo orders probe after video of a man carrying body of his daughter on his shoulders went viral
Concerned health official from Lakhanpur should have made the father understand to wait for hearse instead of letting him go, Deo said(25.3) pic.twitter.com/aN5li1PsCm
— ANI MP/CG/Rajasthan (@ANI_MP_CG_RJ) March 26, 2022
ତେବେ ବାସ୍ତବ ଘଟଣା ଏହା ଯେ ଶୁକ୍ରବାର ଦିନ ଲଖନପୁର ଗ୍ରାମର ଈଶ୍ୱର ଦାସ ନାମକ ଜଣେ ବ୍ୟକ୍ତି ନିଜ ଝିଅ ସୁରେଖା ର ସ୍ୱାସ୍ଥ୍ୟ ଅବସ୍ଥା ଖରାପ ହେବାରୁ ଗ୍ରାମ ସିଏଚସି ରେ ଭର୍ତ୍ତି କରିଥିଲେ । ସେହି ସମୟରେ ଝିଅର ଅମ୍ଳଜାନ ସ୍ତର ୬୦ ଥିବା ମଧ୍ୟ କୁହାଯାଇଛି । ପୁଣି ଗତ ତିନି ଦିନ ହେବ ଝିଅର ଜ୍ୱର ଥିବା ମଧ୍ୟ କୁହାଯାଇଛି । କିନ୍ତୁ ହଠାତ ସ୍ୱାସ୍ଥ୍ୟ ବିଗିଡ଼ି ଯିବାରୁ ତାଙ୍କୁ ସିଏଚସି କୁ ଅଣାଯାଇଥିଲା କିନ୍ତୁ ସେଠାରେ ଚିକିତ୍ସାଧୀନ ଅବସ୍ଥାରେ ସୁରେଖା ଙ୍କ ମୃତ୍ୟୁ ଘଟିଥିବା କୁହାଯାଇଛି ।
ତେବେ ମୃତ୍ୟୁ ପରେ ସେଠାରେ ଆମ୍ବୁଲାନ୍ସ ଉପଲବ୍ଧ ନିଥିବାରୁ ସୁରେଖାଙ୍କ ବାପା ଅର୍ଥାତ ଈଶ୍ୱର ଦାସ ନିଜେ ନିଜ ଝିଅର ଶବକୁ ୧୦ କିଲୋମିଟର କାନ୍ଧରେ ବୋହି ନେଇ ଯାଇଛନ୍ତି । ଏଥିଯୋଗୁଁ ସ୍ଥାନୀୟ ଲୋକେ ଉତ୍ୟକ୍ତ ହେବା ସହିତ ଏସବୁର କାରଣ ସିଏଚସି ପ୍ରଶାସନ ବୋଲି ଅଭିଯୋଗ କରିଛନ୍ତି । ତେବେ ଏହି ଦୃଶ୍ୟ ଦେଖି ଲୋକେ ଖୁବ ଦୁଃଖ ପ୍ରକାଶ କରିଛନ୍ତି । ଏହି ଭିଡ଼ିଓ ବର୍ତ୍ତମାନ ସୋସିଆଲ ମିଡିଆରେ ଭାଇରଲ ହେବାରେ ଲାଗିଛି
