Ola S1 ପ୍ରୋ ଇଲେକ୍ଟ୍ରିକ୍ ସ୍କୁଟର ଭାରତର ଗ୍ରାହକମାନଙ୍କୁ ଅତ୍ୟନ୍ତ ପସନ୍ଦ ଆସୁଛି, ଏହାର ବିକ୍ରୟ ମାତ୍ରା ଏହା ସୂଚାଉଛି । କିନ୍ତୁ ପୁଣେରେ ପଞ୍ଜିକୃତ ହୋଇଥିବା Ola S1 Pro ରେ ନିଆଁ ଲାଗିଯାଇଥିଲା । ରାସ୍ତା କଡରେ ଠିଆ ହୋଇଥିବା ଏହି ସ୍କୁଟରଟି ଦେଖୁ ଦେଖୁ ଜଳିବା ଆରମ୍ଭ କଲା । ଏହି ଖବରରେ ଦେଖାଯାଇଥିବା ଭିଡିଓରେ, ପ୍ରଥମେ Ola S1 Pro ରୁ ଧୂଆଁ ବାହାରିବା ଆରମ୍ଭ ହୁଏ ଏବଂ ଏକ ଛୋଟ ବିସ୍ଫୋରଣ ଦ୍ଵାରା ଏଥିରେ ନିଆଁ ଲାଗିଯାଏ । Ola କହିଛି ଯେ ସେମାନେ ଗାଡି ମାଲିକଙ୍କ ସହ କଥା ହୋଇଛନ୍ତି ଏବଂ ସେ ସମ୍ପୂର୍ଣ୍ଣ ସୁରକ୍ଷିତ ଅଛନ୍ତି ।
ଏହି ଘଟଣାକୁ ନିଶ୍ଚିତ କରି ଓଲା ଇଲେକ୍ଟ୍ରିକ୍ ଏକ ଷ୍ଟେଟମେଣ୍ଟ ଜାରି କରିଛି ଯେଉଁଥିରେ ଲେଖା ଅଛି, “ପୁଣେରେ ଆମର ଗୋଟିଏ ସ୍କୁଟର ଜଳିଯିବାର ମୁଖ୍ୟ କାରଣ ଆମେ ଅନୁସନ୍ଧାନ କରୁଛୁ ଏବଂ ଶୀଘ୍ର ଆପଣଙ୍କୁ ଏହି ବିଷୟରେ ଅଧିକ ସୂଚନା ପ୍ରଦାନ କରାଯିବ । ଆମେ ଗ୍ରାହକଙ୍କ ସହିତ ଯୋଗାଯୋଗରେ ଅଛୁ ଏବଂ ସେ ସମ୍ପୂର୍ଣ୍ଣ ସୁରକ୍ଷିତ ଅଟନ୍ତି । ଯାନବାହାନ ସୁରକ୍ଷା ଆମ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଏବଂ ଆମେ ଆମର ପ୍ରଡକ୍ଟରେ ଭଲ କ୍ୱାଲିଟି ଜିନିଷ ବ୍ୟବହାର କରୁ । ଆମେ ଏହି ଘଟଣାର ଗମ୍ଭୀରତାକୁ ବୁଝୁଛୁ ଏବଂ ଆଗାମୀ ଦିନରେ ଆମେ ଆପଣଙ୍କୁ ଏହି ବିଷୟରେ ଅଧିକ ସୂଚନା ଦେବୁ । ”
Oh No!
Looks like #OLA pic.twitter.com/QZlYkvMbMh— Vinkesh Gulati 🇮🇳 (@VinkeshGulati) March 26, 2022
ଆପଣଙ୍କୁ କହିରଖୁଛୁ ଯେ ଓଲା S1 ର ପ୍ରାରମ୍ଭିକ ମୂଲ୍ୟ ହେଉଛି 1 ଲକ୍ଷ ଟଙ୍କା ଏବଂ S1 Pro ର 1.30 ଲକ୍ଷ ଟଙ୍କା । ଓଲା ଇଲେକ୍ଟ୍ରିକ୍ ଏହି ସ୍କୁଟରକୁ ଦୁଇଟି ଭାରିଆଣ୍ଟରେ ଲଞ୍ଚ କରିଛି – S1 ଏବଂ S1 Pro । ଏଥିମଧ୍ୟରେ S1 2.98 kWh ବ୍ୟାଟେରୀ ସହିତ ଆସିଥିବା ବେଳେ, S1 Pro 3.97 kWh ବ୍ୟାଟେରୀ ସହିତ ଡିଜାଇନ୍ ହୋଇଛି । S1 କୁ ଥରେ ସମ୍ପୂର୍ଣ୍ଣ ଚାର୍ଜରେ 120 କିଲୋମିଟର ପର୍ଯ୍ୟନ୍ତ ଚଲାଯାଇପାରିବ ଏବଂ S1 ପ୍ରୋ ଗୋଟିଏ ଚାର୍ଜରେ 180 କିଲୋମିଟର ପର୍ଯ୍ୟନ୍ତ ଯାଇପାରିବ । ଏହି ଦୁଇଟି ଇଲେକ୍ଟ୍ରିକ୍ ସ୍କୁଟରର ମୂଲ୍ୟ ଭିନ୍ନ ଭିନ୍ନ ରାଜ୍ୟ ଦେଉଥିବା ସବସିଡି ଅନୁଯାୟୀ କମ୍ ହୋଇଥାଏ ।
ଏହି ଦୁଇଟି ଇଲେକ୍ଟ୍ରିକ୍ ସ୍କୁଟରର ଉତ୍ପାଦନ ତାମିଲନାଡୁର ଚେନ୍ନାଇ ନିକଟସ୍ଥ ଓଲା ଇଲେକ୍ଟ୍ରିକ୍ ପ୍ଲାଣ୍ଟରେ ହେଉଛି । କମ୍ପାନୀ ଏହି ପରିସରରେ ଏକ ନୂତନ ହାଇପରଚାର୍ଜର ସ୍ଥାପନ କରିଛି । କିଛି ଦିନ ପୂର୍ବରୁ ଓଲା ଇଲେକ୍ଟ୍ରିକ୍ ଦାବି କରିଛି ଯେ ଗ୍ରାହକଙ୍କ ସୁବିଧା ପାଇଁ ଦେଶର 400 ଟି ସହରରେ 1 ଲକ୍ଷରୁ ଅଧିକ ସ୍ଥାନ ଏବଂ ଟଚ୍ ପଏଣ୍ଟରେ ହାଇପରଚାର୍ଜର ସ୍ଥାପନ କରାଯିବ । ଆପଣଙ୍କୁ କହିରଖୁଛୁ ଯେ ଓଲା ଇଲେକ୍ଟ୍ରିକର ଏହି ପ୍ଲାଣ୍ଟ ଦୁନିଆର ସବୁଠୁ ବଡ ବୈଦ୍ୟୁତିକ ଦୁଇ ଚକିଆ ଉତ୍ପାଦନ ପ୍ଲାଣ୍ଟ ହେବାକୁ ଯାଉଛି ଏବଂ ବର୍ତ୍ତମାନ ଏହା ସମ୍ପୁର୍ଣ୍ଣ ଭାବରେ ମହିଳାମାନଙ୍କ ଦ୍ୱାରା ପରିଚାଳିତ ହେଉଛି ।
