ବଢ଼ୁଥିବା ମୁଦ୍ରାସ୍ଫୀତିର ଜଟିଳତାକୁ ଦୁରେଇବା ପାଇଁ ଆଜିକାଲି ପ୍ରତ୍ୟେକ ବ୍ୟକ୍ତି ନିଜର ବ୍ୟକ୍ତିଗତ ବ୍ୟବସାୟ ଆରମ୍ଭ କରିବା ବିଷୟରେ ଚିନ୍ତା କରୁଛନ୍ତି ।
କିନ୍ତୁ ପାଖରେ ଅଧିକ ଅର୍ଥ ନ ଥିବାରୁ ଅଧିକାଂଶ ଲୋକେ ନିଜର ବ୍ୟବସାୟ ଆରମ୍ଭ କରିବାକୁ ଅସମର୍ଥ ଅଟନ୍ତି ।
କାରଣ ସେମାନେ ଭାବନ୍ତି ଯେ ଅଧିକ ଅର୍ଥ ବିନା ଭଲ ବ୍ୟବସାୟ ଆରମ୍ଭ ହୋଇପାରିବ ନାହିଁ ।
କିନ୍ତୁ ପ୍ରକୃତରେ ଏପରି ନୁହେଁ, କମ୍ ମୂଲ୍ୟରେ ମଧ୍ୟ ଏକ ଭଲ ବ୍ୟବସାୟ କ୍ୟାରିଅର୍ ଆରମ୍ଭ ହୋଇପାରିବ ଏବଂ ଅନେକ ଲୋକେ ମଧ୍ଯ ଏପରି କରିଛନ୍ତି ।
ତେବେ ଆମେ ଆପଣଙ୍କୁ ମୋତି ଚାଷ ବିଷୟରେ କହିବାକୁ ଯାଉଛୁ ଯାହା ମାଧ୍ୟମରେ ଆଜିକାଲି ଅନେକ ଲୋକ ଟଙ୍କା ରୋଜଗାର କରୁଛନ୍ତି ।
ଏହି ବ୍ୟବସାୟକୁ ଆପଣ କେବଳ 25 ହଜାର ଟଙ୍କା ବିନିଯୋଗରେ ଆରମ୍ଭ କରିପାରିବେ ଏବଂ ମାସକୁ ପ୍ରାୟ 3 ଲକ୍ଷ ରୋଜଗାର କରିପାରିବେ ।
ମୋତି ଚାଷ ପାଇଁ ଆବଶ୍ୟକ ଏହି ତିନୋଟି ଜିନିଷ:
ମୋତି ଚାଷ କରିବା ପାଇଁ ତିନୋଟି ଜିନିଷ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ପ୍ରଥମଟି ହେଉଛି ପୋଖରୀ ପରି ଜଳ ଉତ୍ସ ଏବଂ ଦ୍ୱିତୀୟଟି ହେଉଛି ସିପ ଯେଉଁଥିରୁ ମୋତି ବାହାର କରାଯାଏ ।
ଏହା ବ୍ୟତୀତ ମୋତି ଚାଷ ପାଇଁ ଆପଣଙ୍କୁ ତାଲିମ ନେବା ମଧ୍ୟ ଆବଶ୍ୟକ ।
ମୋତି ଚାଷ କରିବା ପାଇଁ ଆପଣ ନିଜ ଖର୍ଚ୍ଚରେ କିମ୍ବା ସରକାରଙ୍କ ଦ୍ୱାରା 50% ସବସିଡି ନେଇ ପୋଖରୀ ଖୋଳି ପାରିବେ ।
ଏହା ସହିତ ଆପଣ ଭାରତର ଅନ୍ୟ ରାଜ୍ୟରୁ ମଧ୍ୟ ସିପ ପାଇପାରିବେ । ଯଦିଓ ଭାରତର ସର୍ବୋତ୍ତମ ଗୁଣବତ୍ତା ସିପ ବିହାରର ଦରଭଙ୍ଗା ଏବଂ ଦକ୍ଷିଣ ଭାରତର ବିଭିନ୍ନ ସ୍ଥାନରୁ ମିଳିଥାଏ ।
ମୋତି ଚାଷ ପାଇଁ ସ୍ୱତନ୍ତ୍ର ତାଲିମ ଦିଆଯାଉଛି । ଆପଣ ହୋସଙ୍ଗାବାଦ, ମଧ୍ୟପ୍ରଦେଶ, ମହାରାଷ୍ଟ୍ରରୁ ତାଲିମ୍ ନେଇ ପାରିବେ ।
ଏହିପରି ଆରମ୍ଭ କରନ୍ତୁ ମୋତି ଚାଷ :
ମୋତି ଚାଷ ପାଇଁ ବଛା ଯାଇଥିବା ସିପଗୁଡ଼ିକୁ ଏକ ଜାଲରେ ଭଲ ଭାବରେ ବନ୍ଧା ଯାଏ ଏବଂ ଏହାକୁ ଏହିପରି ପୋଖରୀରେ ରଖାଯାଏ ଯାହା ଦ୍ୱାରା ସେମାନେ ପୋଖରୀରେ ନିଜ ପାଇଁ ଏକ ଉତ୍ତମ ପରିବେଶ ସୃଷ୍ଟି କରି ଭଲ ମୋତି ଉତ୍ପାଦନ କରିପାରିବେ । ପରେ ସେଗୁଡ଼ିକୁ ବାହାରକୁ ଆଣି ଭଲ ଭାବରେ ସର୍ଜରୀ କରାଯାଏ ।
ଏହି ସିପ ଗୁଡ଼ିକର ସର୍ଜରୀ ଏକ ଛାଞ୍ଚରେ କରାଯାଇଥାଏ ।
ଯାହା ମାଧ୍ୟମରେ ସିପର ଏକ ସ୍ତର ତିଆରି ହୁଏ, ଯାହା ପରେ ଏହା ମୋତିରେ ପରିଣତ ହୁଏ ।
ମାତ୍ର 25000 ଟଙ୍କା ମୂଲ୍ୟରେ ଆରମ୍ଭ କରିପାରିବେ:
ଯଦି ମୋତି ଚାଷ ସମ୍ବନ୍ଧୀୟ ତଥ୍ୟକୁ ବିଶ୍ୱାସ କରାଯାଏ, ତେବେ ଏକ ସିପରୁ ଏକ ମୋତି ପ୍ରସ୍ତୁତ କରିବା ପାଇଁ 25 ରୁ 30 ଟଙ୍କା ମୂଲ୍ୟ ଆବଶ୍ୟକ ହୁଏ ।
କିନ୍ତୁ ଯେତେବେଳେ ଏହି ଗୋଟିଏ ସିପରୁ ଦୁଇଟି ମୋତି ହୁଏ, ସେତେବେଳେ ସେମାନଙ୍କ ମଧ୍ୟରୁ ଗୋଟିକର ମୂଲ୍ୟ ପ୍ରାୟ 120 ଟଙ୍କା ହୁଏ ।
ତେବେ ମୋତିର ମୂଲ୍ୟ ସେମାନଙ୍କ ଗୁଣ ଉପରେ ନିର୍ଭର କରେ ।
ଯଦି ସେମାନଙ୍କର ଗୁଣ ଉତ୍ତମ ତେବେ ଏହି ମୋତି ମଧ୍ୟ 200 ଟଙ୍କା ପର୍ଯ୍ୟନ୍ତ ଯାଇପାରେ ।
ଆରମ୍ଭରେ ଆପଣ ଏହି ବ୍ୟବସାୟକୁ ଏକ ଛୋଟ ମାତ୍ରାରେ ଆରମ୍ଭ କରିପାରିବେ, ଯେଉଁଥିରେ କେବଳ 25 ରୁ 30 ହଜାର ଟଙ୍କା ଖର୍ଚ୍ଚ ହେବ ।
କିନ୍ତୁ ପରେ ଧୀରେ ଧୀରେ ରୋଜଗାର ସହିତ ଆପଣ ଏହି ବ୍ୟବସାୟକୁ ଆହୁରି ବଢ଼ାଇ ପାରିବେ ।
ଆପଣଙ୍କୁ କହିରଖୁଛୁ ଯେ 25 ହଜାର ସିପରୁ ମୋତି ପ୍ରସ୍ତୁତ କରିବା ପାଇଁ 8,00,000 ଟଙ୍କା ପର୍ଯ୍ୟନ୍ତ ଖର୍ଚ୍ଚ ହୁଏ ।
କିନ୍ତୁ ଯେତେବେଳେ ସେମାନଙ୍କଠାରୁ ମୋତି କଢ଼ାଯାଏ, ସେତେବେଳେ ଅନେକ ଖରାପ୍ ସିପ ମଧ୍ୟ ଥାଏ ।
ଆପଣଙ୍କୁ କହିରଖୁଛୁ ଯେ 50% ସିପ ନଷ୍ଟ ହେଲେ ମଧ୍ଯ, ଆପଣ ପ୍ରତିବର୍ଷ 30 ଲକ୍ଷ ଟଙ୍କା ପର୍ଯ୍ୟନ୍ତ ରୋଜଗାର କରିପାରିବେ ।
