ପ୍ରତ୍ୟେକ ବର୍ଷ ଆଶ୍ୱିନ ମାସ ଶୁକ୍ଳପକ୍ଷ ପ୍ରତିପଦ ଠାରୁ ନବରାତ୍ରୀର ଆରମ୍ଭ ହୋଇଥାଏ ଏବଂ ଚଳିତ ବର୍ଷ ଏହା ଅକ୍ଟୋବର ୧୫ ରୁ ଆରମ୍ଭ ହେବାକୁ ଯାଉଛି ଏବଂ ଏହା ଅକ୍ଟୋବର ୨୪ ରେ ଶେଷ ହେବ । ନବରାତ୍ରୀରେ ମାତାଙ୍କର ଭିନ୍ନ ଭିନ୍ନ ରୂପକୁ ଭିନ୍ନ ଭିନ୍ନ ବିଧିରେ ପୂଜା କରାଯାଇ ପ୍ରସନ୍ନ କରାଯାଏ । ଏହି ସମୟରେ କିଛି ଲୋକ ବାର ବ୍ରତ ଉପାସନା , ଯଜ୍ଞ ଏବଂ ଦାନ ଧର୍ମ କରିଥାନ୍ତି । ତେଣୁ ଆପଣବି ଯଦି ନବରାତ୍ରୀର ନଅ ରାତି ପର୍ଯ୍ୟନ୍ତ ଶୋଇବା ସମୟରେ ରାତିରେ ତକିଆ ତଳେ କିଛି ଏପରି ଜିନିଷ ରଖି ଶୁଅନ୍ତି ତେବେ ଆପଣଙ୍କ ଭାଗ୍ୟ ମଧ୍ୟ ବଦଳି ପାରିବ ।
୧ . ତୁଳସୀ ପତ୍ର:-
ତୁଳସୀ ପତ୍ର ହିନ୍ଦୁ ସନାତନ ଧର୍ମର ଅତ୍ୟନ୍ତ ମହତ୍ତ୍ୱପୂର୍ଣ୍ଣ ଅଟେ । ଏହାକୁ ଯଦି ଆପଣ ନବରାତ୍ରୀର ନଅ ଦିନ ପର୍ଯ୍ୟନ୍ତ ରାତିରେ ଶୋଇବା ସମୟରେ ତକିଆ ତଳେ ରଖି ଶୁଅନ୍ତି ତେବେ ଆପଣଙ୍କ ଜୀବନ ବଦଳିଯିବ ଏବଂ ସବୁପ୍ରକାରର ଅଶାନ୍ତି , ସମସ୍ୟା , ବିପତ୍ତି ମଧ୍ୟ ଦୂର ହେବ । ଏହାକୁ ସକାଳୁ ଉଠି ସେବନ କରି ପାରିବେ । କିନ୍ତୁ ତୁଳସୀ ପତ୍ରକୁ ସନ୍ଧ୍ୟା କିମ୍ବା ରାତିରେ ଆଦୋୖ ଛିଡ଼ାନ୍ତୁ ନାହିଁ । ଏହାଦ୍ବାରା ସକାରାତ୍ମକ ଶକ୍ତି ସୃଷ୍ଟି ହୋଇଥାଏ । ପ୍ରତ୍ୟେକ ଦିନ ତୁଳସୀ ପୂଜା କଲେ ଘରକୁ ସୁଖ ସମୃଦ୍ଧି ଆସିଥାଏ ।
୨ . ମୟୁର ପର:-
ସକାରାତ୍ମକ ଶକ୍ତିକୁ ସକ୍ରିୟ କରିବା ପାଇଁ ଏବଂ ନିଜ ଜୀବନରେ ସବୁ କାର୍ଯ୍ୟରେ ସଫଳ ହେବା ପାଇଁ ନିଜ ତକିଆ ତଳେ ମୟୁର ପର ନିଶ୍ଚିତ ରଖିବା ଉଚିତ । ଏହାର ପ୍ରଭାବ ଅତ୍ୟନ୍ତ ଲାଭକାରୀ ସିଦ୍ଧ ହୋଇଥାଏ । ତକିଆ ତଳେ ମୟୁର ପର ରଖି ଶୋଇବା ଦ୍ୱାରା ବ୍ୟକ୍ତିର ଜାତକରେ ଲାଗିଥିବା ଦୋଷ ଧୀରେ ଧୀରେ ଶେଷ ହୋଇଯାଏ । ଏହି କାରଣରୁ ବ୍ୟକ୍ତିର ଭାଗ୍ୟ ସର୍ବଦା ତାର ସପକ୍ଷରେ ଥାଏ । ଦୁର୍ଘଟଣାରୁ ମୁକ୍ତି ମିଳିଥାଏ । ଏହାପରେ ସକାଳୁ ନିଦରୁ ଉଠି ତକିଆ ତଳେ ରଖିଥିବା ମୟୁର ପରର ଦର୍ଶନ କରନ୍ତୁ । ନବରାତ୍ରୀରେ ତକିଆ ତଳେ ମୟୁର ପର ରଖିଲେ ତାହାର ଅଧିକ ଫାଇଦା ମିଳିଥାଏ ।
୩ . କୋଏନ:-
ରାତିରେ ଶୋଇବା ସମୟରେ ତକିଆ ତଳେ ଟଙ୍କିକିଆ କୋଏନ ରଖି ଦିଅନ୍ତୁ । ସକାଳୁ ଉଠି ତାହାକୁ କୌଣସି ଗରିବ ବ୍ୟକ୍ତିକୁ ଦାନ କରି ଦିଅନ୍ତୁ । ଏହାଦ୍ବାରା ଆପଣଙ୍କର ସବୁ ସମସ୍ୟାର ଅନ୍ତ ହୋଇଯିବ ଏବଂ ଆପଣଙ୍କ ଭାଗ୍ୟ ମଧ୍ୟ ବଦଳି ଯିବ । ଏହାଦ୍ବାରା ବ୍ୟକ୍ତିର ଦୋଷ ଧୀରେ ଧୀରେ କମ ହୋଇଥାଏ ଏବଂ ତା ଉପରେ ସକାରାତ୍ମକ ଶକ୍ତିର ସଞ୍ଚାର ବଢ଼ିଥାଏ ।
୪ . ଲୁହା ଚାବି:-
ଯଦି ଆପଣଙ୍କର ସମୟ ଭଲ ଚାଲୁ ନାହିଁ ଏବଂ ଭିନ୍ନ ଭିନ୍ନ ଖରାପ ଭାବନା ମନକୁ ଆସିବା ସହିତ ନିଦ ହେଉନାହିଁ ତେବେ ରାତିରେ ତକିଆ ତଳେ ଚାବି ରଖି ଶୋଇ ପାରିବେ । ଏହାଦ୍ବାରା ରାହୁ ଏବଂ କେତୁର ଖରାପ ପ୍ରଭାବ ଦୂର ହୋଇଥାଏ ଏବଂ ନକରାତ୍ମକତା ମଧ୍ୟ ଦୂର ହୋଇଥାଏ ।
