ଭିଡିଓରେ ଏହା ଦେଖିବାକୁ ମିଳୁଛି ଯେ ଋଷିଆର ଏକ ଟ୍ୟାଙ୍କ ରାସ୍ତାରେ ଯାଉଥିବା ସମୟରେ ହଠାତ୍ ତାହାର ଗତିପଥ ବଦଳାଇ ଏକ କାରକୁ ଦଳି ଦେଉଛି ।
ଭିଡିଓରେ ଏହା ଦେଖିବାକୁ ମିଳିଛି ଯେ ଋଷର ଟ୍ୟାଙ୍କଟି କାର ଉପରେ ଚଢ଼ିଯାଇଛି ଏବଂ କାରଟି ସମ୍ପୂର୍ଣ୍ଣ ଭାବରେ ଦବିଯାଇଛି । କାରଟିର ଅବସ୍ଥା ଦେଖି ଆପଣଙ୍କ ଲୋମ ଟାଙ୍କୁରି ଉଠିବ ।
ଆମେ ଆପଣଙ୍କୁ କହିରଖୁଛୁ ଯେ ୟୁକ୍ରେନର କାରକୁ ଦଳି ଦେଇଥିବା ଟ୍ୟାଙ୍କଟି ଋଷର ଅଟେ । ଗଣମାଧ୍ୟମର ରିପୋର୍ଟ ଅନୁଯାୟୀ, ଆଜିକାଲି ଅନେକ ଟ୍ୟାଙ୍କ ୟୁକ୍ରେନର ରାସ୍ତାରେ ବୁଲୁଛି ।
Shocking! A tank CHANGES direction to drive over a car! #RussiaUkraineWarpic.twitter.com/i9g0YiJRuV
— Jason Hanifin (@JasonHanifin) February 25, 2022
ଭିଡିଓ ଦେଖିବା ପରେ ଲୋକମାନେ ଏହା ଋଷ ସେନାର ଏକ ଅମାନବୀୟ କାର୍ଯ୍ୟ ବୋଲି କହୁଛନ୍ତି । ଲୋକମାନେ କହୁଛନ୍ତି ଯେ ଏହାଠାରୁ ଅଧିକ ଯନ୍ତ୍ରଣାଦାୟକ କିଛି ହୋଇପାରିବ ନାହିଁ ।
ଖୁସିର ବିଷୟ ହେଉଛି ଯେ ଦୁର୍ଘଟଣାରେ କାର ଚଳାଉଥିବା ଡ୍ରାଇଭରର ଜୀବନ ବଞ୍ଚିଯାଇଛି । ଡ୍ରାଇଭରକୁ ଉଦ୍ଧାର କରାଯାଉଥିବା ଏକ ଭିଡିଓ ସାମ୍ନାକୁ ଆସିଛି । ଯାହାକୁ ଦେଖି ଲୋକମାନେ କହୁଛନ୍ତି ଯେ, ‘ ଯାହାକୁ ରଖିବେ ଅନନ୍ତ , କି କରିପରେ ବଳବନ୍ତ’ ।
