କୁହାଯାଏ ଯେ ଯଦି କୌଣସି ଝିଅ ଆପଣଙ୍କର ଉତ୍ତମ ବନ୍ଧୁ ହୋଇଥାଏ, ତେବେ ସେ ଆପଣଙ୍କ ପତ୍ନୀ ମଧ୍ୟ ହୋଇପାରେ । ସାଧାରଣତଃ ଉତ୍ତମ ବନ୍ଧୁ ହେବା ପରେ ଦମ୍ପତିମାନେ ବିବାହ ମଧ୍ୟ କରନ୍ତି, କିନ୍ତୁ ସମୟ ଅନ୍ତରାଳରେ ସେମାନଙ୍କ ବନ୍ଧୁତା ଦୁର୍ବଳ ହେବାକୁ ଲାଗେ । ଏହାର କାରଣ ହେଉଛି ବୈବାହିକ ସମ୍ପର୍କର ଦାୟିତ୍ଵ । ଏହି ସମ୍ପର୍କରେ ଅନେକ ଦାୟିତ୍ଵ ଥାଏ, ଯେଉଁଥିପାଇଁ ପତିପତ୍ନୀଙ୍କ ମଧ୍ୟରେ ଝଗଡା ହୁଏ ଏବଂ ବନ୍ଧୁତା ହ୍ରାସ ପାଏ । ତେବେ କୌଣସି ସମ୍ପର୍କକୁ ଦୃଢ଼ କରିବା ପାଇଁ ବନ୍ଧୁତା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଅଟେ । ଏହି ବନ୍ଧୁତାକୁ ସବୁଦିନ ପାଇଁ ରଖିବାକୁ ଆପଣଙ୍କୁ କିଛି କଥା ଅନୁସରଣ କରିବାକୁ ପଡିବ ।
ଆପଣଙ୍କୁ କହିରଖୁଛୁ ଯେ ପତିପତ୍ନୀଙ୍କ ସଂପର୍କର ଦାୟିତ୍ଵ ତଳେ ବନ୍ଧୁତା ଚାପି ହୋଇ ରହିଥାଏ । ତେବେ ଯଦି ଆପଣ ଏହି ସମ୍ପର୍କକୁ ଧ୍ୟାନର ସହ ପରିଚାଳନା କରନ୍ତି, ତେବେ ବନ୍ଧୁତା ବଜାୟ ରହିପାରିବ । ଏହି ସଂପର୍କରେ, ଅନେକ ସମୟରେ ଜଣେ ଅନ୍ୟ ଜଣଙ୍କ ଉପରେ ଆଶାର ଭାର ଏପରି ଲଦି ଦିଅନ୍ତି ଯେ ଯାହା ଫଳରେ ସେମାନେ ଅଧିକ ସମୟ ବନ୍ଧୁ ହୋଇ ରହିପାରନ୍ତି ନାହିଁ । ତେଣୁ ଏହି ସମ୍ପର୍କର ଦାୟିତ୍ୱ ଗୁଡ଼ିକୁ ଉଭୟେ ମିଳିମିଶି ପୂରଣ କରିବାକୁ ଚେଷ୍ଟା କରନ୍ତୁ, ଯାହା ଦ୍ଵାରା ଆପଣଙ୍କର ବନ୍ଧୁତା ବଜାୟ ରହିବ
ବିବାହ ପରେ ଅନେକ ସମୟରେ ଏହା ଦେଖିବାକୁ ମିଳେ ଯେ ଯେ ପତିପତ୍ନୀ ପରସ୍ପରକୁ ଅନେକ କଥା କହିବାକୁ କୁଣ୍ଠାବୋଧ କରନ୍ତି । କିନ୍ତୁ ବନ୍ଧୁତାରେ ଏପରି ହୋଇନଥାଏ । ଯେଉଁ ପତିପତ୍ନୀ ନିଜ ସମ୍ପର୍କରେ ବନ୍ଧୁତା ବଜାୟ ରଖନ୍ତି, ସେମାନଙ୍କ ମଧ୍ୟରେ କେବେବି ମତଭେଦ ହୁଏ ନାହିଁ । ଯଦି ଆପଣ ଆପଣଙ୍କ ସଂପର୍କରେ ବନ୍ଧୁତା ବଜାୟ ରଖିବେ, ତେବେ ଆପଣ ଆପଣଙ୍କ ସାଥୀଙ୍କ ସହ ସବୁକିଛି ସେୟାର କରିବାକୁ ସକ୍ଷମ ହେବେ । ତେଣୁ ଆପଣଙ୍କ ବନ୍ଧୁତା ବଜାୟ ରଖିବାକୁ ଚେଷ୍ଟା କରନ୍ତୁ ।
ଆପଣଙ୍କୁ କହିରଖୁଛୁ ଯେ ପ୍ରେମ ଏବଂ ବିଶ୍ୱାସ ସହିତ ପତିପତ୍ନୀ ସେମାନଙ୍କ ସମ୍ପର୍କରେ ବନ୍ଧୁତା ବଜାୟ ରଖିପାରିବେ । ଗଣମାଧ୍ୟମ ରିପୋର୍ଟ ଅନୁଯାୟୀ, ଯେତେବେଳେ ଆପଣ ଆପଣଙ୍କ ସମ୍ପର୍କରେ ଚାପ ନ ନେଇ ଜିନିଷଗୁଡିକ ପରିଚାଳନା କରନ୍ତି ସେତେବେଳେ ଅନେକ ଜିନିଷ ଆପେ ଆପେ ସହଜ ହୋଇଯାଏ ।
