IND VS ENG : ପିଚ୍ ବିବାଦକୁ ନେଇ କ୍ରୋଧିତ ହେଲେ ରୋହିତ ଶର୍ମା,କହିଲେ ଘରୋଇ ସ୍ଥିତିର ସୁଯୋଗ ନେବାକୁ ପ୍ରତ୍ୟେକ ଦଳର ଅଧିକାର ଅଛି

ଭାରତ ଏବଂ ଇଂଲଣ୍ଡ ମଧ୍ୟରେ ଖେଳାଯାଉଥିବା ଥିବା ଚାରିଟି ଟେଷ୍ଟ ସିରିଜର ତୃତୀୟ ମ୍ୟାଚ୍ ୨୪ ଫେବୃଆରୀରୁ ଅହମ୍ମଦାବାଦର ମୋଟେରା ଷ୍ଟାଡିୟମରେ ଖେଳାଯିବ। ଦ୍ୱିତୀୟ ଟେଷ୍ଟ ମ୍ୟାଚରେ ଟିମ୍ ଇଣ୍ଡିଆ ୩୧୭ ରନ୍ ରେ ଇଂଲଣ୍ଡକୁ ପରାସ୍ତ କରିଛି। ରନ୍ ଦୃଷ୍ଟିରୁ ଇଂଲଣ୍ଡ ବିପକ୍ଷରେ ଏହା ଭାରତର ସବୁଠାରୁ ବଡ ବିଜୟ ଥିଲା। ଇଂଲଣ୍ଡ ଦଳର ପରାଜୟ ପରେ ପୂର୍ବତନ ଅଧିନାୟକ ମାଇକେଲ ୱାନ୍ ପିଚ୍ ବିଷୟରେ ଅନେକ ପ୍ରଶ୍ନ ଉଠାଇଥିଲେ ଏବଂ କହିଥିଲେ ଯେ ଏହା ପାଞ୍ଚ ଦିନିଆ ଟେଷ୍ଟ ମ୍ୟାଚ୍ ଯୋଗ୍ୟ ପିଚ୍ ନୁହେଁ । ଏହି ସମୟରେ ଚେନ୍ନାଇରେ ସମାନ ଗ୍ରାଉଣ୍ଡରେ ୧୬୧ ରନ୍ ସ୍କୋର କରିଥିବା ରୋହିତ ଶର୍ମା ଚେପକ୍ ପିଚ୍ ର ସମର୍ଥନ କରିଛନ୍ତି ଏବଂ କହିଛନ୍ତି ଯେ ପ୍ରତ୍ୟେକ ଦଳକୁ ଘରୋଇ ସ୍ଥିତିର ସୁଯୋଗ ନେବାକୁ ଅଧିକାର ଅଛି।

ଭର୍ଚୁଆଲ୍ ସାମ୍ବାଦିକ ସମ୍ମିଳନୀରେ ରୋହିତ ଶର୍ମା କହିଛନ୍ତି, ‘ପିଚ୍ ଉଭୟ ଦଳ ପାଇଁ ସମାନ ଥିଲା, ତେଣୁ ମୁଁ ଜାଣେ ନାହିଁ କାହିଁକି ଏହି ପ୍ରସଙ୍ଗ ବାରମ୍ବାର ଉଠାଯାଏ। ଉଭୟ ଦଳ ସମାନ ପିଚରେ ଖେଳିଥିଲେ। ଲୋକମାନେ କହିଛନ୍ତି ଯେ ପିଚ୍ ଏହିପରି ହେବା ଉଚିତ୍, ଏହିପରି ନୁହେଁ,କିନ୍ତୁ ଏତେ ବର୍ଷ ଧରି ଭାରତୀୟ ପିଚ୍ ଏହିପରି ଭାବେ ପ୍ରସ୍ତୁତ କରାଯାଏ। ମୁଁ ଭାବୁନାହିଁ ଯେ ଏଥିରେ କୌଣସି ପରିବର୍ତ୍ତନ କରିବା ଆବଶ୍ୟକ। ପ୍ରତ୍ୟେକ ଦଳ ସେମାନଙ୍କର ଘରୋଇ ପରିସ୍ଥିତିର ଲାଭ ଉଠାନ୍ତି ।

ଯେତେବେଳେ ଆମେ ଅନ୍ୟ ଦେଶରେ ଖେଳିବାକୁ ଯାଉ, ସେ ଆମ ବିଷୟରେ ଭାବନ୍ତି ନାହିଁ, ତେବେ ଆମେ କାହା ବିଷୟରେ କାହିଁକି ଭାବିବା। ଆମ ଦଳର ପସନ୍ଦ ଅନୁଯାୟୀ ଆମେ ପିଚ୍ କରିବା ଉଚିତ୍ । ଏହାର ଅର୍ଥ ହିଁ ଘରୋଇ ସୁବିଧା ଏବଂ ଅନ୍ୟ ଦଳର ଭୂମି, ନଚେତ୍ ଏହାକୁ ହଟାଇବା ଉଚିତ୍ । ଆଇସିସି (ଆନ୍ତର୍ଜାତୀୟ କ୍ରିକେଟ୍ ପରିଷଦ) କୁ ଏକ ନିୟମ କରିବାକୁ କୁହ ଯେ ସବୁ ସ୍ଥାନରେ ପିଚ୍ କିପରି ପ୍ରସ୍ତୁତ ହେବ।

ବିଦେଶ ଗସ୍ତ ବିଷୟରେ ରୋହିତ କହିଛନ୍ତି, ‘ଯେତେବେଳେ ଆମେ ବିଦେଶ ଗ୍ରସ୍ତରେ ଯାଉ, ଆମର ପ୍ରତିଦ୍ୱନ୍ଦ୍ୱୀମାନେ ମଧ୍ୟ ଆମ ପାଇଁ କଷ୍ଟଦାୟକ ପିଚ୍ କରନ୍ତି। ତେଣୁ ମୁଁ ଭାବୁନାହିଁ ଯେ ଆମେ ପିଚ୍ ବିଷୟରେ ଅଧିକ କଥା ହେବା ଉଚିତ୍ । ଆମେ ଖେଳ ଏବଂ ଖେଳାଳିଙ୍କ ବିଷୟରେ ଆଲୋଚନା କରିବା ଉଚିତ୍। ମୁଁ ପିଚ୍ ବିଷୟରେ ଅଧିକ ଚିନ୍ତା କରେ ନାହିଁ । ଯଦି ଆପଣ ଏହା ବିଷୟରେ ଅଧିକ ଚିନ୍ତା କରିବା ଦ୍ୱାରା ପିଚ୍ ପରିବର୍ତ୍ତନ ହେବ ନାହିଁ । ତେଣୁ ଦିଆଯାଇଥିବା ପିଚ୍‌ରେ କିପରି ଖେଳାଯିବ ଏବଂ ଏଥିରେ କେଉଁ ପ୍ରକାର କୌଶଳ ଆବଶ୍ୟକ ତାହା ଉପରେ ଧ୍ୟାନ ଦେବା ଉଚିତ୍ ।

ବନ୍ଧୁଗଣ ଯଦି ଆମର ଏହି ଆର୍ଟିକିଲ ଟି ଭଲ ଲାଗିଥାଏ ଗୋଟିଏ ଲାଇକ ଏବଂ ସାଙ୍ଗ ସାଥୀଙ୍କ ସହ ସେୟାର କରିବାକୁ ଅନୁରୋଧ। ଏହାକୁ ନେଇ ଆପଣଙ୍କ ମତା ମତ ଦେବାକୁ ଭୁଲନ୍ତୁ ନାହିଁ। ଏମିତି ପ୍ରତିଦିନ ଦେଶ ଦୁନିଆ, ଜଣା ଅଜଣା, ସ୍ୱାସ୍ଥ୍ୟ, ଜ୍ୟୋତିଷ, ମନୋରଞ୍ଜନ ଇତ୍ୟାଦି ଖବର ଜାଣିବାକୁ ଆମର ଏହି ପେଜ କୁ ଲାଇକ କରନ୍ତୁ।

Leave a Reply

Your email address will not be published. Required fields are marked *