ଆଇପିଏଲ୍ ୨୦୨୧ ନିଲାମରେ ଟିମ୍ ଇଣ୍ଡିଆର ସବୁଠୁ ଭଲ ଓ ବରିଷ୍ଠ କ୍ରିକେଟର ସଚିନ୍ ତେନ୍ଦୁଲକରଙ୍କ ପୁଅ ଅର୍ଜୁନ ତେନ୍ଦୁଲକର ମଧ୍ୟ ସ୍ଥାନ ପାଇଛନ୍ତି। ବାମହାତୀ ଦ୍ରୁତ ବୋଲର ଅର୍ଜୁନଙ୍କର ମୂଳ ମୂଲ୍ୟ ୨୦ ଲକ୍ଷ ଟଙ୍କା ରହିଛି। ସେହିପରି ବ୍ୟାନ୍ ପରେ କ୍ରିକେଟ ମଇଦାନକୁ ଫେରିଥିବା ଦ୍ରୁତ ବୋଲର ଏସ ଶ୍ରୀସନ୍ତ ମଧ୍ୟ ଏହି ନିଲାମରେ ଉପଲବ୍ଧ ରହିବେ। ଶ୍ରୀସନ୍ତଙ୍କ ସର୍ବନିମ୍ନ ମୂଲ୍ୟ ହେଉଛି ୭୫ ଲକ୍ଷ ଟଙ୍କା।
ବାସ୍ତବରେ, ଆଇପିଏଲ ୨୦୨୧ ର ନିଲାମରେ ସାମିଲ ହେବା ପାଇଁ ୧୦୯୭ ଖେଳାଳି ନିଜ ନାମ ଦାଖଲ କରିଛନ୍ତି। ଏଥିରେ ୮୧୪ ଜଣ ଭାରତୀୟ ଏବଂ ୨୮୩ ଜଣ ବିଦେଶୀ ଖେଳାଳି ସାମିଲ ହୋଇଛନ୍ତି। ଏହି ତାଲିକାରେ ସାମିଲ ହେବାକୁ ଥିବା ୮୬୩ ଜଣ ଘରୋଇ ଏବଂ ୨୦୭ ଜଣ ଆନ୍ତର୍ଜାତୀୟ ମ୍ୟାଚ୍ ଖେଳିଥିବା ଖେଳାଳି ଅଛନ୍ତି।
ଚଳିତବର୍ଷ ଶ୍ରୀସନ୍ତଙ୍କ ସହିତ ବାଂଲାଦେଶୀ ଅଲରାଉଣ୍ଡର ଶାକିବ ଅଲ୍ ହାସନ୍ ମଧ୍ୟ ଏହି ନିଲମରେ ଉପଲବ୍ଧ ରହିବେ। ଯେପରି ଅଷ୍ଟ୍ରେଲିଆନ ଖେଳାଳି ମିଚେଲ ଷ୍ଟାର୍କ ଏବଂ ଇଂଲଣ୍ଡର ଟେଷ୍ଟ ଅଧିନାୟକ ଜୋ ରୁଟ୍ ଏଥିରୁ ନିଜକୁ ଦୂରେଇ ରଖିଛନ୍ତି। ଅବଗତ କରାଇ ଦିଆଯାଉଛିଯେ ଶ୍ରୀସନ୍ତଙ୍କ ଉପରେ ଲାଗିଥିବା କଟକଣା ଏହି ବର୍ଷ ସେପ୍ଟେମ୍ବରରେ ଶେଷ ହୋଇଥିଲା ଏବଂ ସେ ବର୍ତ୍ତମାନ ସୟଦ ମୁଶ୍ଟାକ ଅଲି ଟ୍ରଫିରେ ଖେଳିଥିଲେ।
ଶାକିବଙ୍କ ମୂଳ ମୂଲ୍ୟ ଦୁଇ କୋଟି ଟଙ୍କା ଅଟେ। ଦୁଇ କୋଟି ଟଙ୍କା ମୂଳ ମୂଲ୍ୟରେ ଶାକିବଙ୍କ ସହ ଆହୁରି ଦଶ ଜଣ ଖେଳାଳି ସାମିଲ ଅଛନ୍ତି। ଏଥିମଧ୍ୟରେ ହରଭଜନ ସିଂ, ଗ୍ଲେନ ମ୍ୟାକ୍ସୱେଲ, କେଦାର ଯାଦବ, ଷ୍ଟିଭ ସ୍ମିଥ, ମୋଇନ ଅଲି, ସାମ୍ ବିଲିଙ୍ଗସ୍, ଲିଆମ୍ ପ୍ଲଙ୍କେଟ୍, ଜେସନ୍ ରୟ, ମାର୍କ ଉଡ୍ ଏବଂ କୋଲିନ୍ ଇନଗ୍ରାମ ସାମିଲ ଅଛନ୍ତି। ଏଥି ସହିତ ଅଷ୍ଟ୍ରେଲିଆ ଗସ୍ତରେ ବର୍ଡର ଗାଭାଷ୍କର ଟ୍ରଫି ରେ ଦମଦାର ପ୍ରଦର୍ଶନ କରିଥିବା ଚେତେଶ୍ୱର ପୂଜାରା ଏବଂ ହନୁମା ବିହାରୀଙ୍କ ମୂଳ ମୂଲ୍ୟ ଯଥାକ୍ରମେ 50 ଲକ୍ଷ ଏବଂ 1 କୋଟି ଟଙ୍କା ରହିଛି।
