୫ ବର୍ଷର ପିଲାଟି ବିଛଣାରେ ପରିଶ୍ରା କରିବାରୁ ପିଟି ପିଟି ହତ୍ୟା କରିଦେଲେ ପିତା

ଉତ୍ତରପ୍ରଦେଶର କାନପୁରରେ ଜଣେ ପିତାଙ୍କର ନୃଶଂସତା ଲୋକଙ୍କୁ ହଲାଇ ଦେଇଛି | ଏହି ଘଟଣା ପରେ ସମସ୍ତଙ୍କ ମନରେ ଗୋଟିଏ କଥା ବାରମ୍ବାର ଆସୁଛି ଯେ କେମିତି ଜଣେ ଏତେ ଅଧିକ କ୍ରୁର ହୋଇପାରେ | ଘାଟମପୁର କୋତୱାଲି ଅଞ୍ଚଳରେ ହଥେରୁଆ ଗାଁର ଏହି ଘଟଣା | ଏଠାରେ ଜଣେ ପିତା ନିଜ ପତ୍ନୀ ଏବଂ ଦୁଇ ଝିଅଙ୍କ ସାମ୍ନାରେ ହିଁ ନିଜର ଏକମାତ୍ର ପୁଅକୁ ପିଟି ପିଟି ହତ୍ୟା କରିଦେଇଛନ୍ତି | ପୋଲିସ ଅଭିଯୁକ୍ତ ପିତାଙ୍କୁ ଗିରଫ କରିନେଇ ଯାଇଛି |

କୁହାଯାଉଛି ଯେ ନିଦରେ ନିରୀହ ପିଲାଟି ବିଛଣାରେ ପରିସ୍ରା କରିଦେଇଥିଲା | ଯେଉଁ କାରଣରୁ ପିତା ଏତେ ଅଧିକ କ୍ରୋଧିତ ହୋଇଯାଇଥିଲେ ଯେ ନିଜର ଏକମାତ୍ର ପୁତ୍ରକୁ ହତ୍ୟା କରିଥିଲେ | ଏହି ଅବସରରେ ମାଆ ନିଜ ପୁଅଟିକୁ ବଞ୍ଚାଇବା ପାଇଁ ଭରପୂର ପ୍ରୟାସ କରିଥିଲେ | କିନ୍ତୁ ଅଭିଯୁକ୍ତ ସନ୍ତରାମଙ୍କ କ୍ରୋଧ ଶାନ୍ତ ହୋଇନଥିଲା ଏବଂ ସେ ନିଜର ୫ ବର୍ଷର ନିରୀହ ପୁଅକୁ ସେପର୍ଯ୍ୟନ୍ତ ପିଟି ଚାଲିଥିଲେ ଯେପର୍ଯ୍ୟନ୍ତ ପିଲାଟିର ଚିତ୍କାର ବାହାରିବା ବନ୍ଦ ହୋଇ ନଥିଲା | ପତ୍ନୀଙ୍କର ଅଭିଯୋଗ ପରେ ପୋଲିସ ଅଭିଯୁକ୍ତଙ୍କୁ ଗିରଫ କରି ଜେଲ ପଠାଇ ଦେଇଛି |

୫ ବର୍ଷର ନିରୀହ ପିଲାର କରିଥିଲେ ହତ୍ୟା:

ସନ୍ତରାମ କାନପୁରର ଘାଟମପୁତ୍ରରେ ଲକି ଭାଟିରେ କାମ କରୁଥିଲା | ମଙ୍ଗଳବାର ଦିନ ପୁଅର ହତ୍ୟା କରିବା ପରେ ସେ ଲୋଡର ସାହାଯ୍ୟରେ ପରିବାର ସହିତ ପିଲାଟିର ମୃତଦେହ ନେଇ ହମୀରପୁର ନିଜ ଗାଁକୁ ଚାଲିଯାଇଥିଲା | ରାସ୍ତାରେ ନିଜ ପତ୍ନୀ ଏବଂ ଦୁଇ ଝିଅଙ୍କୁ ଧମକାଇ ଦେଇଥିଲା ଯେ କାହାକୁ କିଛି କହିବାର କୌଣସି ଆବଶ୍ୟକତା ନାହିଁ |

କିନ୍ତୁ ଅବସର ପାଇ ପତ୍ନୀ ନିଜ ଭାଇକୁ ଫୋନ କରି ସମସ୍ତ ବୃତ୍ତାନ୍ତ ଶୁଣାଇଥିଲେ | ମହିଳାଙ୍କର ଭାଇ ତତ୍କାଳ ହିଁ ଏହି ଘଟଣା ବିଷୟରେ ପୋଲିସକୁ ସୂଚନା ଦେଇଥିଲେ | ଏହାପରେ ତାଙ୍କୁ ଧରି ପୁଅଟିର ମୃତଦେହ ସହିତ ଘାଟମପୁତ୍ର ଥାନାକୁ ଅଣାଯାଇଥିଲା |

ସେହିପରି ପୋଲିସ ମଧ୍ୟ ଏହି ଘଟଣା ଶୁଣିବା ପରେ ସ୍ତବ୍ଧ ହୋଇଯାଇଥିଲା, କିପରି କେହି ନିଜର ନିରୀହ ଛୋଟ ପିଲାଟିକୁ କେବଳ ବିଛଣାରେ ପରିସ୍ରା କରିଥିବା କାରଣରୁ ଏଟିଏ ନିର୍ମମତାର ସହିତ ହତ୍ୟା କରିପାରେ | ଏସପି ବ୍ରୁଜେସ କୁମାର ଶ୍ରୀବାସ୍ତବଙ୍କ କହିବା କଥା ଯେ ଅଭିଯୁକ୍ତ ଜଣଙ୍କୁ ଗିରଫ କରି ଜେଲ ପଠାଇ ଦିଆଯାଇଛି | ପିଲାଟିର ମୃତଦେହ ପୋଷ୍ଟମର୍ଟମ କରି ପରିବାର ଲୋକଙ୍କୁ ହସ୍ତାନ୍ତର କରିଦିଆଯାଇଛି |

ଏହାକୁ ନେଇ ଆପଣଙ୍କ ମତା ମତ ଦେବାକୁ ଭୁଲନ୍ତୁ ନାହିଁ। ଏମିତି ପ୍ରତିଦିନ ଦେଶ ଦୁନିଆ, ଜଣା ଅଜଣା, ସ୍ୱାସ୍ଥ୍ୟ, ଜ୍ୟୋତିଷ, ମନୋରଞ୍ଜନ ଇତ୍ୟାଦି ଖବର ଜାଣିବାକୁ ଆମର ଏହି ପେଜ କୁ ଲାଇକ କରନ୍ତୁ।