ବୋରୱେଲ ଗାତରେ ପଡି ୬ ବର୍ଷର ବାଳକ ଘନେନ୍ଦ୍ର ର ମୃତ୍ୟ ଘଟିଛି। ୨୨ ଘଣ୍ଟାର ଅକ୍ଲାନ୍ତ ଅପରେସନ ପରେ ବାଳକର ଶବକୁ ଉଦ୍ଧାର କରାଯାଇଛି। ରାତି ପ୍ରାୟ ୨:୨୦ ସମୟରେ ଆଶା ଥିଲା କି ଏହି ନିରୀହ ପିଲାଟିକୁ ବଞ୍ଚାଯାଇପରିବ, ହେଲେ ଅଚାନକ ତା ଆବାଜ୍ ଆସିବା ବନ୍ଦ ହୋଇଗଲା ଏବଂ ପାଣିର ସ୍ତର ବଢିବ ଯୋଗୁଁ ତାକୁ ବଞ୍ଚାଇବା କଷ୍ଟକର ହୋଇପଡ଼ିଲା ଏବଂ ଶେଷରେ ସକାଳ ୮:୪୪ ରେ ମୃତଦେହକୁ ଉଦ୍ଧାର କରାଗଲା। କିନ୍ତୁ ଡକ୍ଟର ତାକୁ ମୃତ ଘୋଷଣା କରିଥିଲେ।ଘଟଣା ଘଟିଛି କୁଳପାହଡ ଅଞ୍ଚଳରେ।
ଜୈତପୁର ବିକାଶଖଣ୍ଡର ବୁଦ୍ଧୋରା ଗାଁର ଚାଷୀ ଭାଗୀରଥ କୁଶୱା ତାଙ୍କ ପତ୍ନୀଙ୍କ ସହ ବୁଧବାର କ୍ଷେତରେ ଗହମରେ ଜଳସେଚନ କରୁଥିଲେ। ଯେତେବେଳେ ସେ ଫୁରସତ ପାଇଲେ, ତାଙ୍କ ସହ ଯାଇଥିବା ପୁଅ ଘନେନ୍ଦ୍ରଙ୍କୁ ଖୋଜିବା ଆରମ୍ଭ କଲେ। ବହୁ ଖୋଜାଖୋଜି ପରେ, ବୋରୱେଲ ପାଖରେ ପହଞ୍ଚିବା ପରେ ପୁଅର ଚିତ୍କାର ଶୁଭିଲା। ସେଠି ଉଦ୍ଧାର କରିବା କାର୍ଯ୍ୟରେ ସମସ୍ତେ ନିୟୋଜିତ ହୋଇଗଲେ।
ପୋଲିସ ଫୋର୍ସ, କୁଲପାହାଡ ଏସଡିଏମ ମହମ୍ମଦ ଅବେଶ ଏବଂ ଡାକ୍ତର ତଥା କମ୍ୟୁନିଟି ହେଲଥ ସେଣ୍ଟର ବେଲାତାଲର ଅନ୍ୟ ଅଧିକାରୀମାନେ ଘଟଣସ୍ଥଳରେ ପହଞ୍ଚିଥିଲେ। ସ୍ଥାନୀୟ ପ୍ରଶାସନ ମଧ୍ୟ ଅଗ୍ନିଶମ ବାହିନୀକୁ ଡାକି ଜେସିବି ସାହାଯ୍ୟରେ ବୋରୱେଲ ଖୋଳିବା ଆରମ୍ଭ କରିଥିଲେ।
ନିରୀହ ପିଲାଟିର ପିତା ଭାଗୀରଥ କୁଶୱା, ମାତା କ୍ରାନ୍ତି ଦେବୀ, ଉଭୟ ଭଉଣୀ ନିତ୍ୟା ଏବଂ ରେଖା, ଜେଜେମା ଆଶାରାନୀଙ୍କ ବ୍ୟତୀତ ବାବା କାଳୀଚରନ୍ ମଧ୍ୟାହ୍ନରୁ ସକାଳ ପର୍ଯ୍ୟନ୍ତ ଘଟଣାସ୍ଥଳରେ ଠିଆ ହୋଇଥିଲେ।
ଗାଁର ଲୋକ ଏବଂ ସମ୍ପର୍କୀୟମାନେ ତାଙ୍କ ପିତାମାତାଙ୍କୁ ଭଗବାନଙ୍କ ଉପରେ ବିଶ୍ୱାସ କରିବାକୁ ଆଶ୍ଵସନା ଦେଇ ଚାଲିଥିଲେ। ଘନେନ୍ଦ୍ର ବୋରୱେଲରୁ ସୁରକ୍ଷିତ ଭାବେ ବାହାରକୁ ଆସିବ ବୋଲି ଗୋଟେ ଆଶା ଥିଲା, କିନ୍ତୁ ରାତି ଆରମ୍ଭ ହେବା ମାତ୍ରେ ପରିବାରଲୋକଙ୍କ ମଧ୍ୟରେ ଭୟର ଆଶଙ୍କା ବଢ଼ିବାକୁ ଲାଗିଥିଲା।
ନିରୀହ ଘେନେନ୍ଦ୍ରଙ୍କ ମା, ଜେଜେମା, ବଡ ଭଉଣୀ ନିତ୍ୟା ତାଙ୍କୁ ସୁରକ୍ଷିତ ଭାବେ ବୋରୱେଲରୁ ମୁକୁଳିବା ପାଇଁ ହାତ ବାନ୍ଧି ବସିଥିଲେ। ସମସ୍ତେ ଘନେନ୍ଦ୍ରର ଜୀବନ ରକ୍ଷା କରିବାକୁ ଭଗବାନଙ୍କ ନିକଟରେ ପ୍ରାର୍ଥନା ଜାରି ରଖିଥିଲେ।
ଗାଁର କିଛି ମହିଳା ମଧ୍ୟ ଭଗବାନଙ୍କ ନିକଟରେ ପ୍ରାର୍ଥନା କରିଥିଲେ। ସମସ୍ତଙ୍କୁ ନିରୀହ ପିଲା ପାଇଁ ଚିନ୍ତା ଘରି ବସିଥିଲା।
ପ୍ରଶାସନ ବୋରୱେଲ ପାଖରେ ଦୁଇଟି ଆମ୍ବୁଲାନ୍ସ ଯୋଗାଡ କରିରଖିଥିଲା, ଯାହାଫଳରେ ଖୁବ ଶୀଘ୍ର ଘେନେନ୍ଦ୍ରଙ୍କୁ ଉଦ୍ଧାର କରିବା ମାତ୍ରେ ଡାକ୍ତରଖାନାକୁ ନିଆଯାଇପାରିବ।ଏଥିସହ ଯଦି ତାଙ୍କ ପରିବାରର କାହାର ବି ସ୍ୱାସ୍ଥ୍ୟବସ୍ଥା ଖରାପ ହୁଏ ତେବେ ତାଙ୍କୁ ଆମ୍ବୁଲାନ୍ସ ଯୋଗେ ଡାକ୍ତରଖାନା ନିଆଯାଇପାରେ।
ଏଠାରେ କୁହାଯାଇପାରେ କି ରାତି ଯେତେ ଆଗକୁ ଆଗକୁ ବଢୁଥିଲା, ଧନେନ୍ଦ୍ରଙ୍କ ଜୀବନ ବଞ୍ଚାଇବା କାମ ଦ୍ରୁତ ଗତିରେ ଚାଲୁଥିଲା। ଅପରାହ୍ନରେ ଗାତ ଖୋଳିବା ପାଇଁ ଦୁଇଟି ଜେସିବି ଡକାଯାଇଥିଲା।
ସନ୍ଧ୍ୟା ୫ଟାରେ ଆଉ ଦୁଇଟି ଜେସିବି ଡକାଯାଇଥିଲା।ସନ୍ଧ୍ୟା ୭ଟା ବେଳେ ପୁଣି ଏକ ଜେସିବି ଡକାଗଲା। ସନ୍ଧ୍ୟା ୭:୨୭ ରେ ଷଷ୍ଠ JCB ସେଠାରେ ପହଞ୍ଚି ବୋରୱେଲ ନିକଟରେ ଗାତ ଖୋଳିବା ଆରମ୍ଭ କଲା।
ଘନେନ୍ଦ୍ର ବୋରୱେଲରେ ଖସିଯିବା ଖବର ପାଇବା ପରେ ବୁଦ୍ଧୌରା ସମେତ ନିକଟ ଗ୍ରାମରୁ ଶତାଧିକ ଲୋକ ଘଟଣାସ୍ଥଳରେ ଏକାଠି ହୋଇଥିଲେ। ରିଲିଫ ଏବଂ ଉଦ୍ଧାର କାର୍ଯ୍ୟରେ ଅସୁବିଧା ହେତୁ ପୋଲିସ କର୍ମଚାରୀମାନେ ସାମାନ୍ୟ ବଳ ପ୍ରୟୋଗ କରି ଜନତାଙ୍କୁ ବୋରୱେଲ ଠାରୁ ପ୍ରାୟ ୨୫ ମିଟର ଦୂରକୁ ଜନଗହଳି ହଟାଇବାକୁ ଚେଷ୍ଟା କରିଥିଲେ। ଆଉ ମଧ୍ୟ ସେଠାରେ ରସି ବାନ୍ଧି ଜନତାଙ୍କୁ ବୋରୱେଲ ନିକଟକୁ ଯିବାକୁ ବାରଣ କରାଯାଇଥିଲା।
ରାତି ପ୍ରାୟ ୨:୨୦ ରେ, SDRF ଟିମ୍ ଗାତ ଖୋଳିବା ସମୟରେ ବୋରୱେଲରେ ଫସିଥିବା ପିଲା ନିକଟରେ ପହଞ୍ଚିବା ପୂର୍ବରୁ ଆଗେ ପାଣି ମିଳିଥିଲା। ଯେଉଁଥିପାଇଁ ଉଦ୍ଧାର କାର୍ଯ୍ୟରେ କିଛି ଅସୁବିଧା ଅନୁଭବ କରାଯାଉଥିଲା। SDRF ମିଡିଆ ସେଲର ଶିବ କିଶୋର ପାଣ୍ଡେ କହିଛନ୍ତି ଯେ ବର୍ତ୍ତମାନ ଆହୁରି ଅଧିକ ୩୦ ମିନିଟ୍ ସମୟ ଲାଗିବ ବୋଲି ସୂଚନା ଦିଆଯାଇଥିଲା। କିନ୍ତୁ ଏହା ହୋଇପାରିନଥିଲା।
ଉଦ୍ଧାରକାରୀ ଦଳ ବୋରୱେଲ ସହିତ ସମାନ୍ତରାଳ ଭାବରେ ତିନି ଫୁଟ ଚଉଡା ଏକ ଗାତ ଖୋଳିଲେ। ଏଥିରେ ଥିବା ପାଣିକୁ ରୋକି ପିଲାଟି ପାଖରେ ପହଞ୍ଚିବା ପାଇଁ ଉଦ୍ଧାରକାରୀ ଦଳ L ଆକୃତିର ଟନେଲ ତିଆରି କରି ପିଲାମାନଙ୍କ ନିକଟରେ ପହଞ୍ଚିବାକୁ ଚେଷ୍ଟା କରିଥିଲେ। କୌଣସି ପ୍ରକାରେ ପିଲାଟିକୁ ସକାଳ ୮:୪୪ରେ ଉଦ୍ଧାର କରାଯାଇଥିଲା।କିନ୍ତୁ ସେଠାରେ ଉପସ୍ଥିତ ଡାକ୍ତରମାନେ ପିଲାଟିକୁ ମୃତ ଘୋଷଣା କରିଥିଲେ।
