ଉତ୍ତର କୋରିଆର ଶାସକ କିମ ଜୋଙ୍ଗ ଉନ୍ କରୋନା ଟିକା ନେଇଛନ୍ତି। 19fortyfive.com ଜାପାନର ଦୁଇଟି ଗୁପ୍ତ ସୂତ୍ରରୁ ଉଦ୍ଧୃତ କରି ଏହା ଦାବି କରିଛି। ରିପୋର୍ଟ ଅନୁଯାୟୀ, କିମ ଜୋଙ୍ଗଙ୍କ ସହ ଉତ୍ତର କୋରିଆର ଅନ୍ୟ କେତେକ ଉଚ୍ଚ ପଦାଧିକାରୀ ଏବଂ କିମଙ୍କ ପରିବାରର ଲୋକଙ୍କୁ ମଧ୍ୟ କରୋନା ଟିକା ଦିଆଯାଇଛି।
ରିପୋର୍ଟ ଅନୁଯାୟୀ, ଚୀନ ସରକାର ଉତ୍ତର କୋରିଆକୁ ସିକ୍ରେଟ୍ ଭାବେ କରୋନା ଟିକା ଯୋଗାଇଛନ୍ତି। ଗତ ଦୁଇରୁ ତିନି ସପ୍ତାହ ମଧ୍ୟରେ କିମ ଜୋଙ୍ଗ ଏବଂ ଅନ୍ୟମାନଙ୍କୁ ଟିକା ଦିଆଯାଇଛି।
ଏହାପୂର୍ବରୁ ରଏଟର୍ସ ରିପୋର୍ଟରେ କୁହାଯାଇଛି ଯେ ଏଷ୍ଟ୍ରାଜେନକା କମ୍ପାନୀର କରୋନା ଟିକା ତଥ୍ୟ ହ୍ୟାକିଂ ପଛରେ ଉତ୍ତର କୋରିଆର ହାତ ଅଛି ବୋଲି ସନ୍ଦେହଜନକ ଦୃଷ୍ଟିରେ ତାକୁ ଦେଖାଯାଉଛି। ଏଥି ସହିତ ଉତ୍ତର କୋରିଆ କରୋନା ଭୂତାଣୁ ସହିତ ଅଧିକ ଲଢ଼ୁଛି। ତେବେ ଦେଶରେ କରୋନା ରୋଗୀଙ୍କ ସଂଖ୍ୟା ଆନୁଷ୍ଠାନିକ ଭାବେ ପ୍ରକାଶ କରାଯାଇ ନାହିଁ।
ପୂର୍ବରୁ ଉତ୍ତର କୋରିଆ ଏକ ବୃହତ ଜନସଂଖ୍ୟା ଦାରିଦ୍ର୍ୟର ସମ୍ମୁଖୀନ ହେଉଥିଲା ଏବଂ ବର୍ତ୍ତମାନ କରୋନା କାରଣରୁ ଦେଶର ଆର୍ଥିକ ଅବସ୍ଥା ଖରାପ ହେବାକୁ ଲାଗିଲାଣି। ଉତ୍ତର କୋରିଆ ମଧ୍ୟ କେତେ ପ୍ରକାରର ଆର୍ଥିକ ପ୍ରତିବନ୍ଧକ ସାମ୍ନା କରୁଛି।
କରୋନାରୁ ବଞ୍ଚିବା ପାଇଁ ଉତ୍ତର କୋରିଆ ଜାନୁଆରୀରେ ଏହାର ସୀମା ବନ୍ଦ କରିଥିଲା। ତେବେ ଏହା ସତ୍ତ୍ଵେ କୋରୋନାର କେତେକ ମାମଲା ଉତ୍ତର କୋରିଆରେ ପହଞ୍ଚିଯାଇଛି। ଗତ ମାସରେ, ଏକ ରିପୋର୍ଟରେ ଦାବି କରାଯାଇଛି ଯେ ଉତ୍ତର କୋରିଆ ନିଜ ଦେଶର କରୋନା ପୀଡିତମାନଙ୍କୁ ଗୁପ୍ତ ଶିବିରରେ ଭୋକରେ ମରିବାକୁ ଛାଡି ଦେଇଛି।
ଏହାକୁ ନେଇ ଆପଣଙ୍କ ମତା ମତ ଦେବାକୁ ଭୁଲନ୍ତୁ ନାହିଁ। ଏମିତି ପ୍ରତିଦିନ ଦେଶ ଦୁନିଆ, ଜଣା ଅଜଣା, ସ୍ବାସ୍ଥ୍ୟ, ଜ୍ୟୋତିଷ, ମନୋରଞ୍ଜନ ଇତ୍ୟାଦି ଖବର ଜାଣିବାକୁ ଆମର ଏହି ପେଜ କୁ ଲାଇକ କରନ୍ତୁ।
