ଆଜି ଭୁବନେଶ୍ୱର ପିଏମଜି ଛକରେ ଯାତ୍ରା ପରିବେଷଣ କରିବା ପାଇଁ ଅନୁମତି ଦାବି କରୁଥିବା ସମୟରେ ଯଲିଉଡ ଅଭିନେତ୍ରୀ ରାଣୀ ପଣ୍ଡା ନାଟକୀୟ ଢଙ୍ଗରେ ସରକାରଙ୍କ ଉପରେ ଲକ୍ଷ୍ୟ ସାଧନ କରିଥିଲେ | ରାଜ୍ୟ ସରକାରଙ୍କୁ ଟାର୍ଗେଟ କରିବାକୁ ଯାଇ ସିଧାସଳଖ ମାନନୀୟ ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକଙ୍କୁ ନିଜ ସ୍ୱାମୀ ବୋଲି କହିଥିଲେ | ରାଣୀ କହିଥିଲେ ଯେ, “ମୁଁ ଯାହା କୁହେ ଜାଗା ମୁଣ୍ଡରେ ବାଜେ | ମୁଁ ସିଏମଙ୍କୁ ମୋର ସିଏ ବୋଲି ଭାବେ | ପାଣ୍ଡିଆନ ସାରଙ୍କୁ ନିଜର ଦିଅର ଭାବେ | ମୋଦିଙ୍କୁ ମୋ ଦେଢ଼ସୁର ଭାବେ |”
କରୋନା ସମୟରେ ତାଲାବନ୍ଦ କାରଣରୁ ଦୀର୍ଘ ୭ ମାସ ହେବ ସମସ୍ତ ଥିଏଟର ଠାରୁ ଆରମ୍ଭ କରି ଯାତ୍ରା ପରିବେଷଣ ମଧ୍ୟ ବନ୍ଦ ରହିଥିଲା | ଏପରି ସ୍ଥିତିରେ ଅନେକ ଯାତ୍ରା କଳାକାର ଅଭାବ ଭିତରେ ଜୀବନ ବିତାଉଛନ୍ତି | ରୋଜଗାର ଅଭାବରୁ ସ୍ଥିତି ଆହୁରି ଅଧିକ ଶୋଚନୀୟ ହୋଇପଡିଛି ଯାହାଦ୍ୱାରା ଯାତ୍ରା ଜଗତ ସମ୍ପୂର୍ଣ୍ଣ ବୁଡ଼ିଯିବାକୁ ବସିଲାଣି | ସେଥିପାଇଁ ଏବେ ଯାତ୍ରା ପରିବେଷଣ କରିବା ପାଇଁ ସରକାରଙ୍କର ଅନୁମତି ଦାବି କରି ଧାରଣାରେ ବସିଛନ୍ତି ଖୁବ ଜଣାଶୁଣା ଯାତ୍ରା ଅଭିନେତ୍ରୀ ରାଣୀ ପଣ୍ଡା |
ଣୀ ବିଶ୍ୱାସର କହିଛନ୍ତି ଯେ ଆଜି ତାଙ୍କର ଦାବି ନିଶ୍ଚିନ୍ତ ଭାବରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପାଖରେ ପହଞ୍ଚିବ | ଆଉ ଯଦି ଏପରି ନହେଉଛି ତେବେ ଏହା କେବଳ ଟ୍ରେଲର ଫିଲ୍ମ ଯାହା ହେବ ସରକାର ନିଜେ ଭାବି ନିଅନ୍ତୁ | ରାଜ୍ୟ ସରକାର ଯାହା କହିଥିଲେ ଆମେ ସବୁକିଛି ମାନିଲୁ କିନ୍ତୁ ସବୁକିଛି ମାନିବା ପରେ ମଧ୍ୟ ଆମ ସହିତ ଅନ୍ୟାୟ ହେଉଛି | କଳାକାରମାନେ କେମିତି ଅଛନ୍ତି କେମିତି ବଞ୍ଚୁଛନ୍ତି ସେକଥା କେହି ଚିନ୍ତା କରୁ ନାହାନ୍ତି | ନିର୍ବାଚନ ସମୟରେ ନେତା ମାନେ ମେଲୋଡି କରିବେ ଏବଂ ନିର୍ବାଚନ ସାରିଲେ କହିଦେବେ ଯେ ସବୁକିଛି ବନ୍ଦ | ରାଣୀ ଆଗକୁ ଆହୁରି କହିଛନ୍ତି ଯେ,”ମୁଁ ଆଗରୁ କହିଥିଲେ ଏବେ ମଧ୍ୟ ସେହି କଥା ଦୋହରାଉଛି ମୋତେ ୩ ମାସ ପାଇଁ ମୁଖ୍ୟମନ୍ତ୍ରୀ କରାନ୍ତୁ ତା’ପରେ ଦେଖିବେ ମୁଁ କଣ କରୁଛି |”
ରାଣୀ ଆଗକୁ କହିଛନ୍ତି, ଆମେ କେବଳ ଚାହୁଁଛି ଯେ ଆମ କଳାକାର ମାନଙ୍କୁ କଳାକ୍ଷେତ୍ର ଖୋଲିବାକୁ ଅନୁମତି ଦିଆଯାଉ | ଯାତ୍ରା କରିବା ପାଇଁ ଆପଣ ଯେଉଁ ନିୟମାବଳୀ ରଖିବେ ଆମେ ତାହା ମଧ୍ୟ ମାନିବାକୁ ପ୍ରସ୍ତୁତ ଅଛୁ | ସମସ୍ତଙ୍କ ପାଇଁ ନ୍ୟାୟ ରହିଛି କିନ୍ତୁ ଆମ ପରି କଳାକାରଙ୍କ ପାଇଁ ଏତେ ଅନ୍ୟାୟ କାହିଁକି | ଆମ ଦାବିପତ୍ରରେ ଥିବା ଦାବିକୁ ମାନିବା ପାଇଁ ଆମେ ଅନୁରୋଧ କରୁଛୁ | ଯଦି ଆମ କଥା ସରକାର ନାଶୁଣଂତି ତେବେ ଯାତ୍ରା କଳାକାର ନିଜ ଦେହରେ ପେଟ୍ରୋଲ ଢାଳି ନିଆଁ ଲଗାଇବେ |
ଏହାକୁ ନେଇ ଆପଣଙ୍କ ମତା ମତ ଦେବାକୁ ଭୁଲନ୍ତୁ ନାହିଁ। ଏମିତି ପ୍ରତିଦିନ ଦେଶ ଦୁନିଆ, ଜଣା ଅଜଣା, ସ୍ବାସ୍ଥ୍ୟ, ଜ୍ୟୋତିଷ, ମନୋରଞ୍ଜନ ଇତ୍ୟାଦି ଖବର ଜାଣିବାକୁ ଆମର ଏହି ପେଜ କୁ ଲାଇକ କରନ୍ତୁ।
