ଜାପାନ ପ୍ରଧାନମନ୍ତ୍ରୀ ଶିଞ୍ଜୋ ଆବେ ଶୁକ୍ରବାର ଦିନ ନିଜର ପଦବୀରୁ ଇସ୍ତଫା ଦେଇଛନ୍ତି। ରିପୋର୍ଟ ମୁତାବକ, ସେ ଦୀର୍ଘ ସମୟରୁ ଅନ୍ତ ନାଡୀ ଜନିତ ରୋଗ ଅଲସରାଟିଭ କୋଲାଇଟିସ୍(Ulcerative colitis) ସହିତ ଲଢ଼ୁଛନ୍ତି। ସେ ଚାହୁଁନଥିଲେ ଯେ ତାଙ୍କ ଅସୁସ୍ଥତା କାରଣରୁ ସରକାରୀ କାର୍ଯ୍ୟକ୍ରମ ଉପରେ କୌଣସି ପ୍ରକାରର ପ୍ରଭାବ ପଡ଼ୁ। ସୂଚନାଯୋଗ୍ୟ ଯେ, ଏହି ରୋଗ କାରଣରୁ ସେ ୨୦୦୭ ମସିହାରେ ପ୍ରଥମ ଥର ପ୍ରଧାନମନ୍ତ୍ରୀ ହେବାର ମାତ୍ର ଏକ ବର୍ଷ ପରେ ଇସ୍ତଫା ଦେଇଥିଲେ। କୁହାଯାଉଛି କେ, ନିୟମିତ ଚିକିତ୍ସା ଜରିଆରେ ସେ ନିଜର ରୋଗକୁ ନିୟନ୍ତ୍ରଣରେ ରଖିଥାନ୍ତି। ତେବେ ଜାଣନ୍ତୁ ଏହି ରୋଗର ଗମ୍ଭୀରତା ଏବଂ କାରଣ, ଲକ୍ଷଣ ଏବଂ ଏଥିରୁ ରକ୍ଷା ପାଇବାର ଉପାୟ କଣ?
ଅଲସରାଟିଭ କୋଲାଇଟିସ୍(Ulcerative colitis)କୁ ପ୍ରଦାହଜନକ ଅନ୍ତ୍ର ରୋଗ ଭାବରେ ଶ୍ରେଣୀଭୁକ୍ତ କରାଯାଇଥାଏ। ଏହା ସାଧାରଣତଃ ସେତେବେଳେ ହୋଇଥାଏ ଯେତେବେଳେ ପାଚନ ତନ୍ତ୍ରରେ ରହିଥିବା ବ୍ୟାକ୍ଟେରିଆ ଯେମିତିକି, ଶରୀରର କିଛି ଜୀବାଣୁ ବିରୁଦ୍ଧରେ ଶରୀରର ପ୍ରତିରକ୍ଷା ପ୍ରଣାଳୀ ଅତି ସକ୍ରିୟ ହୋଇଯାଇଥାଏ। ଏହି ରୋଗର ପ୍ରାରମ୍ଭ ମଳାଶୟରେ ହୋଇଥାଏ ଏବଂ ପରେ ଏହା ବୃହତନ୍ତ୍ରର ଭିତରେ ଥିବା ପୃଷ୍ଠର ଭିତର ପାଖ ଫୁଲି ଯିବା ଏବଂ ଯନ୍ତ୍ରଣା ଅଲସରାଟିଭ କୋଲାଇଟିସ୍(Ulcerative colitis)ର କାରଣ ହୋଇଥାଏ। ଏହି ରୋଗକୁ ରକ୍ତ ଝାଡା ମଧ୍ୟ କୁହାଯାଇଥାଏ।
ଅଲସରାଟିଭ କୋଲାଇଟିସ୍(Ulcerative colitis)ର ସାମାନ୍ୟ ଏବଂ ପ୍ରାରମ୍ଭିକ ଲକ୍ଷଣ:
* ରକ୍ତ ଝାଡା, * ଝାଡା ଏବଂ ଜ୍ୱର, * କମ ଭୋକ ଲାଗିବା ଏବଂ ବାନ୍ତି ହେବା, * ଦୃଷ୍ଟିହୀନତା ଏବଂ ଓଜନ ହ୍ରାସ, * ପେଟରେ ଯନ୍ତ୍ରଣା ଏବଂ ପେଟର ସ୍ୱରରେ ବୃଦ୍ଧି, * ଗଣ୍ଠିରେ ଫୁଲା ଏବଂ ଯନ୍ତ୍ରଣା, * ପାଟିରେ ଘା’ ହୋଇଯିବା ଏବଂ ତ୍ୱଚା ସମ୍ବନ୍ଧୀୟ ସମସ୍ୟା।
ଏମିତିରେ ଏହି ରୋଗର ସଠିକ କାରଣ ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇପାରି ନାହିଁ, କିନ୍ତୁ ଅନେକ ବିଶେଷଜ୍ଞ ମାନସିକ ଚାପକୁ ଏହି ରୋଗର ପ୍ରମୁଖ କାରଣ ମଧ୍ୟରୁ ଗୋଟିଏ ବୋଲି ମାନିଛନ୍ତି। ତେବେ ଅନେକ ରିପୋର୍ଟରୁ ଜଣା ପଡିଛି ଯେ, ଏହା ଏକ ଅଟୋଇମ୍ୟୁନ ଡିସଅର୍ଡର ଅଟେ। ଏହି ଡିସଅର୍ଡରରେ ଶରୀର ନିଜର ପ୍ରତିରକ୍ଷା ପ୍ରଣାଳୀ ଏବଂ ଶରୀରର ସ୍ୱାସ୍ଥ୍ୟ କୋଶିକା ଗୁଡିକ ଉପରେ ଆକ୍ରମଣ କରିଥାଏ, କିନ୍ତୁ ଏହା ସ୍ପଷ୍ଟ ହୋଇ ପାରି ନାହିଁ ଯେ, ଅଲସରାଟିଭ କୋଲାଇଟିସ୍(Ulcerative colitis)ରେ ପ୍ରତିରକ୍ଷା ପ୍ରଣାଳୀ କେବଳ ବୃହତନ୍ତ୍ର ଏବଂ ଅନ୍ୟ ଅଙ୍ଗ ଉପରେ ଆକ୍ରମଣ କରି ପ୍ରତିକ୍ରିୟା କାହିଁକି କରିଥାଏ। ଏହାଛଡା ଏହି ରୋଗକୁ ଜେନେଟିକ ମଧ୍ୟ କୁହାଯାଇଥାଏ।
ବିଶେଷଜ୍ଞଙ୍କ ମୁତାବକ, ଅଲସରାଟିଭ କୋଲାଇଟିସ୍(Ulcerative colitis)ରୁ ବଞ୍ଚି ତ ପାରିବ ନାହିଁ, କିନ୍ତୁ ଏହାର ପାର୍ଶ୍ୱ ପ୍ରତିକ୍ରିୟାକୁ ନିଶ୍ଚିତ ଭାବରେ କମ କରାଯାଇ ପାରିବ। ଏହି ରୋଗରେ ପୀଡିତ ରୋଗୀ ଭରପୂର ମାତ୍ରାରେ ପାଣି ପିଇବା ଆବଶ୍ୟକ ଏବଂ ମଲ୍ଟିଭିଟାମିନ ଗୁଡିକ ଗ୍ରହଣ କରିବା ଉଚିତ। ଏହାଦ୍ବାରା ପୋଷଣ ଅବଶୋଷଣରେ ସୁଧାର ହୋଇଥାଏ। ଏହାଛଡା ରୋଗୀ ମାନଙ୍କୁ ଉଚିତ ଭୋଜନ ପ୍ରବନ୍ଧନ ପାଇଁ ଆହାର ବିଶେଷଜ୍ଞ ମାନଙ୍କ ସହିତ ନିହାତି ପରାମର୍ଶ କରିବା ଆବଶ୍ୟକ ହୋଇଥାଏ, କାରଣ ଏହା ପେଟ ଜନିତ ରୋଗ ଅଟେ।
